SKÝRSLAN: Valur skoraði tvö og hélt loksins hreinu
Hvað réði úrslitum?
FH byrjaði leikinn töluvert betur og fengu hættulegri færi en Frederik Schram varði vel í nokkur skipti eftir það tóku Valsmenn yfir leikinn og komust yfir undir lok fyrri hálfleiks. Valsmenn byrjuðu síðari hálfleikinn betur og tvöfölduðu forskot sitt eftir rétt tæpan klukkutíma leik og silgdu þessum stigum heim þrátt fyrir nokkur góð upphlaup hjá Fimleikafélaginu að þá vildi boltinn ekki inn í kvöld.
Bestu leikmenn
1. Aron Jóhannsson (Valur)
Aron Jóhannsson var mjög góður fyrir aftan Patrik Pedersen í kvöld, tengdi vel spil Vals ásamt því að leggja upp annað markið með frábæri sendingu inn fyrir vörn FH.
2. Frederik Schram (Valur)
Frederik Schram sýndi í kvöld hversu góður markmaður hann er en hann varði oft á tíðum mjög vel í kvöld og á stóran þátt í því að Valur hélt hreinu í kvöld.
Atvikið
Annað mark Vals þegar Aron Jóhannsson fékk boltann á miðjum vallarhelming FH og átti geggjaða sendingu inn fyrir á Guðmund Andra sem kláraði færið frábærlega vel.
Hvað þýða úrslitin?
Valsmenn sitja áfram í fimmta sæti deildarinnar með 24 stig og er liðið þremur stigum á eftir KA sem situr í þriðja sæti deildarinnar. FH situr áfram í tíunda sæti deildinnar með aðeins 11.stig.
Vondur dagur
Varnarleikur FH - Erfitt að taka einhvern einn en varnarleikur FH fer í þennan glugga. Valsmenn fengu alltof oft mikið pláss á boltann til að skapa sér eitthvað.
Dómarinn - 6.5
Erlendur Eiríksson og hans menn dæmdu þennan leik bara allt í lagi þrátt fyrir að spjaldagleði á Origovellinum í kvöld.