SKÝRSLAN: KA styrkir stöðu sína í átt að Evrópusæti
Hvað réði úrslitum?
Gæði KA einfaldlega voru meiri. Voru alltaf skrefi á undan FH og stýrðu leiknum vel.
Bestu leikmenn
1. Nökkvi Þeyr Þórisson
Skoraði og lagði upp hin tvö. Kemur að öllum mörkum leiksins.
2. Bryan Van Den Bogaert
Var flottur í liði KA og skoraði gott mark. Hafði ógnað marki stuttu áður og átti ekki í miklum vandræðum með FH-ingana.
Atvikið
Held að Eiður Smári hafi orðað þetta best eftir leik - ,,Um leið og við fengum vítið á okkur þá nánast sá ég hjartað úr mínu liði bara sökkva."
Hvað þýða úrslitin?
KA eru komir í 2.sætið um stundarsakir hið minnsta og lítur liðið mjög vel út.
FH eru hinsvegar að komast í alvöru vandræði með 11 stig í 10.sæti og gætu endað umferðina fyrir neðan rauða strikið í fallsæti.
Vondur dagur
Sóknarlína FH öskraði skort af sjálfsstrausti þó Vuk hafi kannski verið skástur.
Dómarinn - 7
Heilt yfir flottur dæmdur leikur. Leyfði leiknum að fljóta ágætlega og var lítið að rífa í spjöldin. Kannski eitt og eitt atriði sem mætti skoða aftur en ekkert sem hafði teljandi áhrif.