SKÝRSLAN: KA í undanúrslit þrátt fyrir hetjulega baráttu Ægis
Hvað réði úrslitum?
Einfaldlega bara gæði KA manna, voru búnir að þjarma vel að Ægismönnum og loks náði KA að setja mark og það fylgdu tvö í viðbót fljótlega.
Bestu leikmenn
1. Nökkvi Þeyr Þórisson
Búinn að vera alveg magnaður fyrir KA í sumar og hélt uppteknum hætti í dag. Var að búa til færi og átti fínar tilraunir í leiknum. Þá átti hann þátt í öllum mörkunum, lagði upp á Svein Margeir og skoraði tvö í uppbótartíma.
2. Sveinn Margeir Hauksson
Var flottur í dag og kom KA mönnum á bragðið loksins þegar hann skoraði þegar tæpur stundarfjórðungur var til leiksloka.
Atvikið
Ég missti af öllum aðdragandanum af síðasta marki leiksins sem kom eiginlega bara strax í kjölfarið á öðru markinu, ég var enn að skrifa lýsinguna á því svo lít ég bara upp og Nökkvi kominn inn í teiginn og á skot og skorar.
Hvað þýða úrslitin?
Bikarævintýri Ægismanna lokið en KA komnir í undanúrslit, magnaða tímabilið þeirra heldur áfram.
Vondur dagur
Óskaplega erfitt að setja það á nokkurn mann. Það var korter í að það hafi verið sóknarleikur KA. Hetjuleg barátta Ægismanna. Þeir voru óheppnir að nýta ekki þá sénsa sem þeir fengu.
Dómarinn - 7
Fór ekki mikið fyrir honum, ekki mikið að gera sem er gott.