Þrátt fyrir að Þróttur Vogum hafi lagt allt í leikinn þá var HK einfaldlega allt of stór biti fyrir gestina úr Vogunum. Þrátt fyrir að fá mikið af álitlegum sóknum og góðum færum náðu drengirnir úr Kórnum ekki að brjóta gestina niður almennilega fyrr en eftir 70 mínútur, þegar markmaður Þróttar, Rafal Stefán meiðist og í markið fór hinn ungi varnarmaður Haukur Leifur. Við það riðlaðist varnarleikur Þróttar og eftirleikurinn auðveldur fyrir Kópavogsliðið.

Markmaður Þróttar Vogum meiddist og þurfti að fara út af vellinum á 70.mínútu. Í markið í hans stað fór varnarmaðurinn Haukur Leifur. Það er ekki á hverjum degi sem lið í næst efstu deild lendir í því að vera ekki með varamarkmann á bekk.

Staða HK er ennþá góð á toppnum og þeir halda áfram að sína að þeir eru besta lið deildarinnar. Þróttur Vogum situr áfram sem fastast á botni deildarinnar og útlitið orðið ansi dökkt hjá þeim.