SKÝRSLAN: Leikur hinna glötuðu færa
Hvað réði úrslitum?
Hvorugt liðið náði að nýta færin sem í boði voru. FH-ingar fengu fleiri sénsa en inn vildi boltinn ekki. Ótrúlegt markalaust jafntefli niðurstaðan
Bestu leikmenn
1. Tinna Brá Magnúsdóttir
Fullkominn leikur hjá henni í Fylkismarkinu í dag. Varði allt sem á markið kom og greip vel inn í þegar á þurfti að halda.
2. Sigríður Lára Garðarsdóttir
Ótrúlega öflug inn á miðjunni hjá FH, vinnur vel varnarlega og með góðar sendingar sóknarlega.
Atvikið
Erfitt að gera upp á milli í færaklúðri FH en á 73 komu líklega bestu færin í sömu sókninni. Fyrst Elísa og svo Berglind.
Hvað þýða úrslitin?
FH-ingar berjast við Tindastól í lokaumferðinni um efsta sæti deildarinnar. Fylkisstelpur halda áfram að gera jafntefli og eru um miðja deild
Vondur dagur
Sóknarlína FH í heild sinni fyrir að ná ekki að skora og ætla að taka Telmu Hjaltalín út fyrir sviga og gefa henni þennan vafasama heiður.
Dómarinn - 8,5
Var með allar ákvarðanir á hreinu, fór lítið fyrir honum sem er alltaf jákvætt.