SKÝRSLAN: Valur færist nær Íslandsmeistaratitlinum
Hvað réði úrslitum?
Leikurinn var kaflaskiptur á tíðum og fengu bæði lið nóg af færum. Leikurinn var frekar lokaður í upphafi en opnaðist svo þegar leið á leikinn.
Bestu leikmenn
1. Cyera Hintzen
Cyera var mjög flott í dag, potturinn og pannan í sóknarleik Vals í dag. Skoraði mjög gott mark, þar sem hún lyfti boltanum yfir Evu í marki Breiðabliks.
2. Eva Persson
Eva var mjög góð í marki Breiðabliks, örugg í öllum sínum aðgerðum í dag.
Atvikið
Færi Birtu Georgs á 91. mínútu. Hún fær frábæra fyrirgjöf frá Vigdísi Kristjáns, Birta er nánast ein á markteig Vals en kemst ekki nægilega vel í boltann og skýtur framhjá.
Hvað þýða úrslitin?
Úrslitin þýða það að Valur færist skrefi nær Íslandsmeistaratitlinum en Valskonur eru með 6 stiga forystu á Breiðablik sem er í öðru sæti þegar það eru 3 leikir eftir.
Vondur dagur
Það var enginn leikmaður sem átti neinn sérstaklega vondan dag en Birta Georgsdóttir hefði mátt fara betur með frábært færi sem hún fékk á 91. mínútu leiksins.
Dómarinn - 9
Erlendur og félagar með allt á hreinu í dag.