SKÝRSLAN: Auðvelt í Laugardalnum
Hvað réði úrslitum?
Þróttarar kláruðu þetta í öðrum gír. Kláruðu leikinn á fyrsta korterinu og tóku svo fótinn af bensíngjöfinni.
Bestu leikmenn
1. Danielle Julia Marcano
Mest skapandi leikmaðurinn á vellinum og skoraði mark og var sífellt skapandi.
2. Íris Dögg Gunnarsdóttir
Tók nokkrar flottar vörslur til að koma í veg fyrir að KR fengi meðbyr. Skoraði mark ú vitaspyrnu
Atvikið
Það er alltaf áhugavert þegar markmenn stíga á punktinn og í dag gerði Íris það og tók frábært víti sem hver einasti útileikmaður væri stoltur af.
Hvað þýða úrslitin?
KR var þegar fallið en Þróttur heldur sér í fjórða sætinu.
Vondur dagur
Fyrri hálfleikur KR var skammarlegur í dag. Það var eitt lið á vellinum og enginn möguleiki fyrir KR að gera neitt með slíka frammistöðu
Dómarinn - 8
Ég hef séð Twana dæma nokkra leiki í sumar og ég er alltaf jafn hrifinn af honum. Ég mæli með því að fylgjast með honum í framtíðinni. Hann mun dæma í Bestu deild Karla innan skamms hugsa ég.