SKÝRSLAN: Fyrirhyggjusamar Eyjastúlkur töku stigin þrjú
Hvað réði úrslitum?
Vilji er mér ofarlega í huga þegar ég lít til baka á leikinn. Gæðalítill leikur heilt yfir það var eins og lið Keflavíkur væru sáttar með sitt eftir að sæti í deildinni að ári var tryggt. Eyjakonur gegnu á lagið og kláruðu sitt með tveimur góðum mörkum í fyrri hálfleik sem dugði til sigurs. Mögulega hjálpaði það Eyjastúlkum að hafa haldið í land í gær og eytt nóttinni á hóteli til undirbúnings. Eitthvað sem eftirá reyndist skynsamleg ákvörðun þar sem Herjólfur sigldi ekki í morgun.
Bestu leikmenn
1. Olga Sevcova
Gerði varnarlínu Keflavíkur lífið leitt oft á tíðum í leiknum, Hefði eflaust sjálf þegið að minnsta kosti mark en gerði vel í flestu því sem hún tók sér fyrir hendur.
2. Ameera Abdella Hussen
Skoraði gott mark og ógnaði nokkrum sinnum með ágætum skotum. Dró heldur af henni er leið á en það kom ekki að sök.
Atvikið
Mínútur 40-41 í leiknum. Eyjakonur skora, Keflavík tekur miðju og örskömmu síðar liggur boltinn aftur í netinu á marki þeirra. Vont svona rétt fyrir hálfleik.
Hvað þýða úrslitin?
ÍBV fer í 26 stig en Keflavík er áfram með 16. Sætaskipan liðanna breytist ekki.
Vondur dagur
Snædís María Jörundsdóttir fékk sannkallað dauðafæri til að koma Keflavík yfir eftir rétt rúmlega hálftíma leik en Guðný Geirsdóttir varði frábærlega frá henni. Snædís sem átti almennt ágætis leik er eflaust mjög ósátt við sig að hafa ekki lagt boltann í netið þar.
Dómarinn - 6
Þurfti ekki að taka stórar ákvarðnir og sigldi nokkuð lygnt í gegnum leikinn hún Soffía. Ekkert upp á hana að klaga frá mér.