Frábær dómari leiksins Daniele Orsato flautar af! Messi leikur til úrslita á sunnudaginn.

Heyrumst annað kvöld þegar hinn undanúrslitaleikurinn fer fram!

Það er partí í Argentínu, þessi mynd var að berast frá fyrrum heimili Diego Maradona í úthverfi Buenos Aires.

Hinn undanúrslitaleikurinn verður 19 annað kvöld, þá ræðst það hvort Frakkland eða Marokkó verður andstæðingur Argentínu í úrslitaleiknum á sunnudag. Króatar eru að fara að spila um bronsið á laugardaginn.

Uppbótartími, það eru fimm mínútur í uppbótartíma.



Þessir tveir verið gjörsamlega geggjaðir í kvöld en það verður líka að hrósa liðsheild og varnarleik argentínska liðsins.

Varamaðurinn Majer freistar gæfunnar, tekur skot fyrir utan teig en Emi Martínez vandanum vaxinn.

Magnaður Messi leiðir baráttuna um gullskóinn

Argentína hefur skorað tólf mörk í mótinu. Lionel Messi hefur skorað fimm af þeim og lagt upp fjögur. Hann leiðir núna baráttuna um gullskóinn.

Óvænt! Paulo Dybala fær að spila! Hefur verið geymdur á bekknum allt mótið án þess að nokkur botni neitt í því.

Fyrsta marktilraun Króata á rammann. Perisic með aukaspyrnu af löngu færi en Martínez ekki í neinum vandræðum.

Messi að sýna töfra og svo Julian Alvarez! Vá, Alvarez búinn að vera gjörsamlega geggjaður. Argentínumenn að rúlla yfir Króata.

„Ekki afskrifa Króata“ segir Höddi Magg sem lýsir leiknum á RÚV. Held örugglega að Höddi sé að lýsa sínum síðasta leik á mótinu. Hefur heldur betur litað mótið skemmtilega fyrir íslenska sjónvarpsáhorfendur.

Með innkomu Lisandro Martínez áðan þá skipti Argentína yfir í þriggja miðvarða kerfi.

Það var hætta upp við mark Argentínu rétt áðan. Þvaga í teignum en á endanum náðu Argentínumenn að koma boltanum frá.

Á Ban Jelacic torginu í miðborg Zagreb hefur fólk safnast saman til að fylgjast með leiknum. Eins og staðan er núna er ekki mikil ástæða til að gleðjast. Króatar eru að spila þokkalega en þegar kemur að síðasta þriðjungi vallarins er hreinlega ekkert að frétta.

MESSI með skot sem Livakovic ver! Eftir samspil Fernandez og Messi þá kom þetta fína færi en Livakovic heldur áfram að sýna hvað í hann er spunnið.

Julian Alvarez komst í hættulega stöðu og renndi boltanum á Enzo Fernandez en varnarmaður Króata komst á milli á síðustu stundu.

Ég held að Argentínumenn séu mjög sáttir með byrjun seinni hálfleiks. Allt með kyrrum kjörum og Króatar ekki að komast áleiðis. Sjónvarpsmennirnir í Katar duglegir að sýna fræga fyrrum fótboltamenn í stúkunni.

Seinni hálfleikur er farinn af stað
Dalic gerði tvöfalda skiptingu í hálfleik.

Bitlausir Króatar
Króatía hefur ekki átt skot á markið í þessum leik hingað til. Þeim hefur mistekist að skora í fyrri hálfleik í fimm af sex leikjum sínum.

Hárréttur vítadómur


Einhverjir ósáttir við vítadóminn í fyrri hálfleik. Arnar Gunnlaugs talar um það í HM stofunni að þetta hafi einfaldlega verið hárréttur dómur. Tek algjörlega undir það með Arnari. 100% vítaspyrna.

Messi og félagar eru komnir með annan fótinn í úrslitaleikinn. Maður á aldrei að afskrifa ólseiga Króata en þeir þurfa eitthvað virkilega sérstakt til að koma til baka úr þessari stöðu.

Julian Alvarez, leikmaður Manchester City, hefur gert varnarmönnum Króatíu lífið leitt. Tekið hlaup sem búa til vandræði trekk í trekk fyrir mótherjana.

Jæja Króatar að ógna, skot sem breytir um stefnu en Martínez nær að verja. Það er komið í uppbótartima.

Mac Allister með skalla eftir hornspyrnu en Livakovic sýnir frábær viðbrögð. Argentína svo nálægt því að ná inn þriðja marki sínu!

Rodrigo De Paul með skot í Gvardiol og afturfyrir í hornspyrnu. De Paul vildi fá víti en Gvardiol var með hendina upp við líkamann.

Messi heldur áfram að skrifa söguna.

Lionel Andrés Messi. 11 total goals at World Cup in his entire career. ????????? #Qatar2022

Messi becomes Argentina’s all-time top goalscorer in FIFA World Cup history. pic.twitter.com/wPmDez4gf6

— Fabrizio Romano (@FabrizioRomano) December 13, 2022

Hægt er að sjá vítadóminn og spyrnuna hér að neðan.

Vörn Króata klikkar rækilega og skyndilega var Julian Alvarez kominn í dauðafæri, kemur boltanum framhjá Livakovic sem braut á honum. Varnarmaður Króatíu náði svo til boltans.

Orsato benti á punktinn og Messi er að fara að taka víti!!!

Argentínumenn fá vítaspyrnu eftir að Livakovic felldi Alvarez innan teigs pic.twitter.com/BSCSHlfr23

— RÚV Íþróttir (@ruvithrottir) December 13, 2022

ARGENTÍNA FÆR VÍTI!!!

Króatar með flotta sókn, Perisic tekur skotið en yfir markið.

Josko Gvardiol hefur verið magnaður í hjarta Króatíu á þessu móti. Bara tvítugur. Ef ég væri sóknarmaður þá myndi ég ekki þora að koma nálægt honum, sérstaklega þegar hann er með þessa grímu.

...Modric tekur aukaspyrnuna og lyftir boltaum inná teig en Paredes skallar boltann frá.

Messi hefur tapað boltanum í tvígang á frekar kæruleysislegan hátt. Króatar að fá aukaspyrnu með fyrirgjafarmöguleika. Brotið á Kramaric...

Fyrsta marktilraun Argentínu.

Enzo Fernández með ágætis tilraun fyrir utan teig en Dominik Livakovic skutlar sér og ver.

Gvardiol með sjaldséð mistök í vörn Króata en getur andað léttar yfir því að Argentínumenn náðu ekki að gera sér mat úr þessu.

Króatíska liðið nálgast þennan leik af sinni frægu yfirvegun. Eru algjörlega með sitt hlutverk á hreinu og eru öryggið uppmálað. Þeir fengu fyrstu hornspyrnu leiksins áðan en ekkert kom út úr henni. Leikurinn fer að mestu fram á miðsvæðinu.

Enzo Fernandez og Luka Modric berjast um knöttinn.

Gianni Infantino forseti FIFA er auðvitað á vellinum, hefur séð alla leiki HM til þessa. Umdeildur maður í félagsskap með öðrum umdeildum manni á leiknum, Viktor Orban forsætisráðherrja Ungverjalands.

Messi fer niður rétt fyrir utan teiginn og vill aukaspyrnu! Orsato dómari dæmir ekkert. Argentínumenn í stúkunni baula.

Luka Modric braut á Mac Allister á miðjum vellinum. Tíðindalitlar mínútur hingað til í leiknum.

Þó Argentínumenn séu mun fjölmennari í stúkunni eru stuðningsmenn Króatíu ákveðnir í að láta þetta ekki virka sem heimaleikur Argentínu. Króatar láta mjög vel í sér heyra samkvæmt Andy Cryer fréttamanni BBC sem er á vellinum.

Argentínumenn meira með boltann hér í byrjun leiks og hafa átt tvær sendingar í teiginn sem hafa ekki fundið neinn samherja.

Ég býst algjörlega ekki við neinum markaleik hér í kvöld, en þetta verður hinsvegar mjög áhugaverð og jöfn barátta.

Leikurinn er farinn af stað - Argentínumenn hefja leik á Lusail leikvangnum.

Jæja liðin ganga út á völlinn...

Varnartölfræði þessara liða

Argentína hefur aðeins hleypt sex skotum á mark sitt á HM 2022. Hinsvegar hefur verið skorað úr 2/3 af þeim skotum.

Króatía hefur alls fengið 22 skot á sig en markvörðurinn Dominik Livakovic hefur verið magnaður.

Stuðningsmenn Argentínu verða þeirra tólfti maður í kvöld. Þeir eru miklu fjölmennari og háværari í Doha.

pic.twitter.com/J38VJt63mR

— Andrew Cryer (@andrew_cryer) December 13, 2022

Antonela Roccuzzo, eiginkona Lionel Messi, virkar í mjög góðu skapi í Katar.

Króatía er með ógnvænlega miðju sem er skipuð leikmönnum Real Madrid, Chelsea og Inter. Kóngurinn í liðinu er að sjálfsögðu hinn afar geðþekki Luka Modric.

Hann er mættur! Það er rúmur klukkutími í leik.


Tvöfaldir heimsmeistar Argentínu með Lionel Messi fremstan í flokki mæta Króötum sem töpuðu úrslitaleiknum á síðasta HM.

...en þetta er líka leikurinn milli liðsins sem tapaði fyrir Sádi-Arabíu á mótinu og liðsins sem hefur bara unnið Kanada í venjulegum leiktíma.

Tvær breytingar hjá Argentínu
Marcos Acuna er í banni hjá Argentínumönnum og er því ekki með í dag en það er Nicolas Tagliafico sem kemur inn fyrir hann.

Lisandro Martínez fer þá einnig úr byrjunarliðinu og er það Leandro Paredes sem kemur í hans stað. Líklegt er að Scaloni fari yfir í 4-4-2 leikkerfi í dag.

Zlatko Dalic, þjálfari Króata, gerir enga breytingu á liði sínu frá síðasta leik.

Króatar eru klárir í slaginn og hafa opinberað sitt byrjunarlið.

Introducing #Croatia starting lineup for the #FIFAWorldCup semifinals! ???? #ARGCRO #Qatar2022 #Family #Vatreni??????? pic.twitter.com/xHABQ2aDju

— HNS (@HNS_CFF) December 13, 2022

Kíkjum aðeins inn í klefana, hér er klefi Króatíu



Og ef þið voruð að velta því fyrir ykkur hverjur eru sessunautar Lionel Messi í klefanum hjá Argentínu

Fótbolti.net fékk þjálfara Íslandsmeistaraliðanna til að spá í leikinn í kvöld. Það eru þeir Óskar Hrafn Þorvaldsson (Breiðabliki) og Pétur Pétursson (Val).

Óskar Hrafn Þorvaldsson:


Argentína 2 - 1 Króatía
Þetta er spá frá hjartanu, ég vona að Messi klári með heimsmeistaratitli.

Til þess að það gerist þarf argentínska liðið að stjórna leiknum og taka þau augnablik sem það fær. Í króatíska liðinu eru mikil einstaklingsgæði og liðið er mjög massíft.

Allt argentínska liðið þarf að eiga frábæran leik og Messi þarf að eiga stórleik. Argentínumenn mega ekki slökkva á sér og þurfa að hreyfa boltann rosalega hratt til að færa vel skipulagða Króata til. Á sama tíma þurfa Argentínumenn að passa sig á því að fá ekki Króatana á sig. Þeir eru vel smurð vél, vel skipulagðir bardagamenn. Þetta verður gríðarlega erfiður leikur fyrir bæði lið og ég vona að Argentína vinni.

Pétur Pétursson:


Argentína 1 - 0 Króatía
En Króatar er með ótrúlega rútínerað lið sem gefst aldrei upp og með Modric nr 10. Enginn bjóst við liði Króata í 4-liða úrslit nema þeir sjálfir.

Argentína mun sækja í þessum leik og miklar líkur á að Messi klári hann með sinni snild en Króatar vita sín takmörk og spila sinn leik og þeir vinna Argentínu 1-0.

Argentína nú talið sigurstranglegasta lið HM
Samkvæmt útreikningum Gracenote er Argentína núna sigurstranglegasta liðið sem eftir er á HM. Lionel Messi og félagar eiga 41% möguleika á því að vinna mótið og ríkjandi heimsmeistarar Frakklands fá 26% sigurlíkur á mótinu.

Líkurnar á því að Marokkó og Króatía lyfti bikarnum eru taldar 17% og 16%.

1.014 tóku þátt í könnun á forsíðu Fótbolti.net og talsverður meirihluti býst við argentínskum sigri í leiknum í kvöld.

Hvernig fer leikur Argentínu og Króatíu?
64% Argentína vinnur
36% Króatía vinnur

Zlatko Dalic, þjálfari Króatíu:
"Við erum meðal fjögurra bestu liða heims. Það er gríðarlegur árangur fyrir Króatíu. En við viljum meira. Við erum að fara að mæta mögnuðu liði Argentínu sem er með Lionel Messi innanborðs. Ég er bjartsýnn að eðlisfari og treysti mínum leikmönnum."

Króatía vann Argentínu 3-0 á síðasta HM - "Erum með ný vopn í vopnabúrinu núna"


Þessi lið voru með Íslandi í riðli á HM 2018 og Króatar unnu þá 3-0 sigur gegn Argentínumönnum. Nicolas Tagliafico, leikmaður argentínska liðsins, var einnig með á mótinu 2018.

„Argentína er frábært lið. Í gær vorum við að skoða leikgreiningar á þeirra spilamennsku, þeir hafa frábæra leikmenn og mikil gæði á miðsvæðinu," segir Tagliafico. „Það eru einhver líkindi frá 2018 en þetta verður allt öðruvísi leikur en þessi sem við spiluðum fyrir fjórum árum. Við erum með ný vopn og erum reynslunni ríkari frá síðasta leik."

Tagliafico var að sjálfsögðu spurður út í Lionel Messi. „Hann er okkar fyrirliði, okkar leiðtogi. Hann er sá sem ýtir okkur áfram og hvetur. Með hann höfum við ákveðið forskot. Við leggjum allir mikið á okkur til að upplifa drauma okkar og við getum gert það með Messi við hlið okkar," segir Tagliafico.

Tagliafico mun taka byrjunarliðssæti í vinstri bakverði Argentínu í kvöld þar sem Marcos Acuna er í leikbanni. Gonzalo Montiel er einnig í banni en hann byrjaði á bekknum gegn Hollandi.

Peter Schmeichel, fyrrum markvörður danska landsliðsins, telur að Króatar gætu vel unnið mótið: "Króatía spilar ekki mest spennandi tegund fótboltans en eru með taugar úr stáli og hafa Luka Modric. Ég segi ekki að þeir séu líklegastir en þeir geta alveg unnið þetta," segir Schmeichel.

Ítalski dómarinn Daniele Orsato mun dæma leikinn. Orsato þykir einn besti dómari heims. Hann dæmdi opnunarleikinn á milli Ekvador og Katar. Þá dæmdi hann leik Argentínu og Mexíkó í riðlakeppninni. Landi hans Massimiliano Irrati er VAR dómari leiksins.

Króatía elskar framlengingar og vítaspyrnukeppnir. Liðið vann Brasilíu í vítakeppni í 8-liða úrslitum þar sem Dominik Livakovic markvörður átti frábæran leik. Livakovic spilar fyrir Dinamo Zagreb og er ein óvæntasta stjarna mótsins.

Argentína komst í undanúrslitin með því að vinna Holland í vítakeppni. Argentína komst 2-0 yfir en Holland kom til baka og náði í uppbótartíma venjulegs leiktíma að jafna í 2-2 ogkoma leiknum í framlengingu.

Argentína hefur aldrei tapað undanúrslitaleik á HM og á þessu móti snýst allt um Lionel Messi sem hefur verið frábær á mótinu og var maður leiksins gegn Hollendingum. Nær hann í sinn eina heimsmeistaratitil í Katar?

Spilað er á Lusail leikvangnum en þar verður svo úrslitaleikur HM spilaður á sunnudag. Leikvangurinn tekur 88.966 manns í sæti og er svo sannarlega mögnuð hönnun og smíði.

Velkomin með okkur í beina textalýsingu frá fyrri undanúrslitaleik HM. Lionel Messi og félagar í Argentínu leika gegn ólseigum Króötum og verður flautað til leiks klukkan 19.

Sigurliðið mun leika úrslitaleik gegn Frakklandi eða Marokkó á sunnudaginn. Tapliðið leikur bronsleikinn á laugardag.