SKÝRSLAN: Hádramatískur sigur Stjörnunnar í framlengingu
Hvað réði úrslitum?
Stjarnan var búið að vera að banka á dyrnar heillengi en sóknarmenn liðsins voru ekki að ná að klára færin. Það þurfti á endanum varnarmannin Sindra til að koma upp og skalla inn sigurmarkið.
Bestu leikmenn
1. Eggert Aron Guðmundsson (Stjarnan)
Eggert var virkilega öflugur í leiknum og var að skapa færi virkilega vel. Hann var líka verulega góður í að færa boltan upp völlinn í gegnum miðjuna og gekk eyjamönnum illa að klukka hann.
2. Eiður Aron Sigurbjörnsson (ÍBV)
Eiður stóð sig eins og hann gerir oftast alveg frábærlega í vörninni. Ef ekki hefði verið fyrir hann er góðar líkur á því að Stjarnan hefði gengið frá leiknum mun fyrr. Svo hefði hann mögulega átt að fá víti.
Atvikið
Eiður Aron átt líkast til að fá víti. Ég missti af því þegar það gerðist beint en eftir að sjá myndir þar sem Árni Snær markvörður Stjörnunnar heldur utan um Eið inn í teig er það greinilegt að það hefði átt að dæma á það.
Hvað þýða úrslitin?
Stjörnumenn eru komnir í 16 liða úrslit bikarsins á meðan ÍBV eru dottnir úr keppni.
Vondur dagur
Joey Gibbs. Stjarnan átti fullt af færum í leiknum og var að komast í góðar stöður í gegnum Ísak, Eggert og Adolf en Joey Gibbs var algjörlega ósýnilegur. Hann átti engan þátt í sóknarleiknum og maður tók varla eftir því að hann var inn á vellinum. Hann átti eitt gott skallafæri en honum tókst að setja þann bolta vel framhjá. Hann var síðan tekinn af velli eftir 73 mínútur.
Dómarinn - 5
Vilhjálmur Alvar missti af því þegar Eiður Aron átti að fá víti og svo voru tveir sérkennilegir dómar hjá AD2. Í eitt skipti þegar Sverrir Páll var sloppinn í gegn því að Sindri Þór hitti ekki boltan almennilega og senti á hann. Þá var dæmt rangstæða sem er frekar óskiljanlegt og í annað skipti þegar boltinn var greinilega farinn útaf í hornspyrnu en ekkert var dæmt og leikurinn hélt því áfram sem skapaði stórhættu fyrir framan mark eyjamanna. Annars var rauða spjaldið rétt og önnur vítaköll líkast til rétt að dæma ekki.