Blikar í grænu og ÍBV í hvítu Þar sem heimabúningur ÍBV er hvítur leikur Breiðablik í sínum grænu heimabúningum í dag.

Verður fróðlegt að sjá orkustig leikmanna Breiðablik gerði eins og fyrr segir níu breytingar fyrir leikinn gegn Fjölni í bikarnum, vann þann leik 2-0 og eru sjö breytingar frá því liði. ÍBV fór alla leið í framlengingu gegn Stjörnunni og einungis tvær breytingar frá þeim leik. Báðir leikirnir fóru fram á miðvikudag.

Aðstæður Það rigndi í morgun í Eyjum, það er skýjað núna, úrkomulaust og fimm gráðu hiti. Hæg austanátt segja menn sem eru kunnugir staðhátum. Myndir af vellinum hér neðar.

Klæmint aftur utan hóps Klæmint Olsen, lánsmaður hjá Breiðabliki frá NSÍ Runavík í Færeyjum, er áfram utan hóps í deildinni.

Guðjón Ernir á bekknum Það vekur athygli að Guðjón Ernir er á bekknum hjá ÍBV. Hann lék allar mínúturnar í fyrstu 22 umferðunum á síðasta tímabili og missti einungis af einum leik allt tímabilið - það var vegna leikbanns í úrslitakeppninni.

Nokkrar myndir af vellinum

Byrjunarliðin hafa verið opinberuð Hermann Hreiðarsson, þjálfari ÍBV, gerir tvær breytingar frá tapinu gegn Stjörnunni í bikarnum. Halldór Jón Sigurður og Tómas Bent koma inn í byrjunarliðið. Bjarki Björn Gunnarsson og Guðjón Ernir Hrafnkelsson taka sér sæti á bekknum.

Óskar Hrafn Þorvaldsson gerði níu breytingar fyrir leikinn gegn Fjölni í bikarnum og því miðum við síðasta deildarleik í því tilviki. Frá sigrinum gegn Val eru tvær breytingar. Alex Freyr kemur inn fyrir Arnór Svein Aðalsteinsson og Oliver Sigurjónsson byrjar í stað Antons Loga Lúðvíkssonar. Hvorki Arnór né Anton Logi eru í hóp. Stefán Ingi Sigurðsson er áfram á bekknum.

Skiptu ekki leiknum út af grasinu Kristján Yngvi Karls­son, vall­ar­stjóri Há­steinsvall­ar, ræddi við mbl.is í liðinni viku.

„Ég hefði viljað spila síðasta sunnu­dag í stað þess að skipta leikn­um. Ástæðan fyr­ir því að við skipt­um þess­um leik er ekki út af gras­inu á vell­in­um held­ur vegna þess að það fuku all­ar girðing­ar síðasta haust og það er verið að færa þær aft­ar þannig að ef við mynd­um setja gervi­gras værum við með lög­lega stærð."

,,Svo er verið að steypa upp fyr­ir nýrri vall­ar­klukku og það er verið að laga fyr­ir fram­an skýl­in hjá okk­ur, setja dren og svo­leiðis. En grasið hérna er bara grænt og er búið að vera það í svona eina og hálfa viku,“ sagði Kristján Yngvi við mbl.is.

Fyrsti heimaleikur ÍBV Leikurinn í dag er fyrsti heimaleikur Eyjamanna á tímabilinu. Liðið átti að spila geng KA á Hásteinsvelli í 2. umferð en víxlaði á heimaleikjum við þá gulu og bláu og eiga því heimaeleikinn gegn KA seinna í sumar.

Dómarateymið
Jóhann Ingi Jónsson er með flautuna í dag. Honum til aðstoðar eru þeir Bryngeir Valdimarsson og Guðmundur Ingi Bjarnason. Jón Magnús Guðjónsson er eftirlitsmaður KSÍ og
Arnar Þór Stefánsson er fjórði dómari.

Felix eini markaskorari ÍBV - Tveir skorað tvö hjá Blikum Felix Örn Friðriksson er eini markaskorari ÍBV til þessa á tímabilinu. Hann skoraði fyrsta mark leiksins gegn Val en Valsarar komu til baka og unnu sigur.

Breiðablik hefur skorað fimm mörk í deildinni til þessa. Stefán Ingi Sigurðarson og Gísli Eyjólfsson hafa skorað tvö mörk hvor og Höskuldur Gunnlaugsson hefur skorað eitt.

Spáir jafntefli Skagamaðurinn Arnór Smárason spáir í leiki umferðarinnar.

ÍBV 1 - 1 Breiðablik
Þetta verður leikurinn þar sem eyjapeyjar ná í sitt fyrsta stig í ár. Búnir að byrja á 2 töpum í deild, detta út í bikar eftir erfiðar 120 mín, hópurinn lítill og það er akkurat þá sem Hemmi og co. stíga upp og stela stigi af Íslandsmeisturunum. Hjaltested vélin byrjar að malla (LOKSINS!!)

Fréttir um ÍBV 1/2 Hemmi Hreiðars: Að sjálfsögðu er það víti
Eyjamenn að fá tvo frá Jamaíku

Fréttir um Breiðablik 1/2 Breiðablik mætir Fram í Árbænum
„Í ljósi þess vill maður biðjast formlega afsökunar á að hafa sett þessa pressu á Stefán“
Óskar Hrafn eftir sigur á Fjölni: Ég er bara glaður

Blikar áfram í bikarnum Í miðri viku var leikið í 32-liða úrslitum Mjólkurbikarsins. Breiðablik heimsótti Grafarvoginn og fór þaðan með 0-2 útisigur. Ágúst Orri Þorsteinsson og Oliver Sigurjónsson skoruðu mörk liðsins.

ÍBV heimsótti Garðabæinn og tapaði 1-0 eftir framlengdan leik gegn Stjörnunni og er því úr leik í bikarnum.

Góðan daginn lesendur góðir og veriði velkomnir í beina textalýsingu frá leik ÍBV og Breiðabliks í 3. umferð Bestu deildar karla. Sem stendur er ÍBV í neðsta sæti með núll stig og -4 í markatölu. Breiðablik er í sjötta sæti með þrjú stig og +1 í markatölu.

Breiðablik vann Val í síðustu umferð, 0-2 á Origo vellinum eftir að hafa tapað gegn HK í fyrstu umferðinni í sjö marka leik, 3-4. ÍBV tapaði sannfærandi gegn KA í síðustu umferð, 3-0 á Greifavellinum fyrir norðan. Í fyrstu umferð tapaði liðið 2-1 á Origo vellinum.


(Svona leit Hásteinsvöllur út í júlí í fyrra)