Haukar vinna flottan sigur og eru Lengjubikarmeistarar 2023!

Þetta er að fjara út. Haukar eru að verða Lengjubikarmeistarar í B-deild.

Torfi ver frábærlega eftir skot frá Aroni en ÍR-ingar ná frákstinu. Hallur Húni bjargar á línu!!!

Segir mikið um leik Hauka í dag, þeir hafa hent sér fyrir allt.

Bragi Karl með skot sem fer lengst yfir markið.

Tumi með lúmska skottilraun en Vilhelm er vel á verði.

Björgvin næstum því búinn að skora eftir hornspyrnu!

Tumi með frábæra tæklingu. Hann hefur sýnt það áður að hann kann tækla. Köngulóarmaðurinn!

Björgvin Stefánsson er að mæta aftur út á fótboltavöllinn. Þetta er hans fyrsti fótboltaleikur síðan 2020 en hann er að koma til baka eftir veikindi.

Þetta er hans fyrsti leikur fyrir Hauka síðan 2017.


Frá 2017.

Haukar hafa varist mjög vel í leiknum en ÍR-ingar hafa ekki verið mjög líklegir til að skora í seinni hálfleik hingað til.

Stefán Þór með frábær tilþrif á miðsvæðinu og reynir að þræða boltann bak við vörn Hauka en sendingin aðeins of föst.

Daði Snær með táarskot en Vilhelm á ekki í neinum vandræðum með það.

Aron með skot að marki eins og svo oft áður þá henda Haukarnir sér fyrir það.

Bikarinn var að detta í hús. Sigurliðið fær 300 þúsund krónur í verðlaun.

Það er farið að blása aðeins á Ásvöllum.

Leikmaður 29 er kominn inn á hjá ÍR, en það er enginn með það númer á skýrslunni. Mér sýnist þetta vera Stefán Þór Pálsson.

Gunnar Darri með frábæra tilraun en rétt yfir markið. Óheppinn þarna!

Haukar leiða í hálfleik, 1-0. Þetta hefur verið hörkuleikur þar sem bæði lið hafa átt góðar rispur. Haukar byrjuðu betur en svo hafa ÍR-ingar verið að ógna seinni hluta fyrri hálfleiks.

Hallur Húni nær að vinna boltann frábærlega og keyrir upp völlinn. Hann setur boltann upp á Tuma sem keyrir inn á teiginn. Hann fer niður í teignum en þetta var ekki neitt.

Björgvin Stefáns vildi fá víti á bekknum. Hann er á gulu spjaldi, þarf að passa sig.

Aron Fannar með skot að marki úr hættulegri stöðu en Hallur Hún kemur sér fyrir skotið. Haukar koma boltanum svo í burtu.

Mikill darraðadans á teig ÍR-inga eftir hornspyrnu en gestirnir ná að koma boltanum í burtu.

Ágúst Unnar með skot að marki en setur boltann fram hjá. Virtist fara af Fannari og aftur fyrir, en Gunnar Oddur dæmir markspyrnu.

Aðeins farið að hægjast á Haukunum og eru ÍR-ingarnir búnir að vera hættulegri síðustu mínútur.

Einar Karl með fínustu skottilraun en setur boltann rétt fram hjá markinu.

Alexander með góða hornspyrnu fyrir markið en Sæmundur rétt missir af boltanum á fjærstönginni.

Tumi í hættulegu færi en Jordian hendir sér fyrir skotið.

Gunnar Darri með skot að marki en það fer af varnarmanni og aftur fyrir endamörk.

Ísak pingar boltanum frábærlega yfir til hægri. Gunnar Darri setur boltann á Nikola og fær hann aftur. Hann á svo stórhættulegt skot sem fer rétt fram hjá markinu. Haukar næstum því komnir í 2-0.

ÍR-ingar halda áfram að pressa. Eiga skot að markis sem fer af varnarmanni, aftur fyrir og í hornspyrnu. Ekkert kemur úr þessari hornspyrnu hjá ÍR-ingum.

Lil Curly er að lýsa leiknum á Haukar TV. Hann talar um að það sé 'summer' hér á Ásvöllum.

ÍR að hóta jöfnunarmarki strax eftir að Haukar komast yfir. Fannar Óli nær hins vegar að koma sér fyrir skotið. ÍR-ingar að kalla eftir hendi en ég sá þetta ekki almennilega.

Held ég hafi líklega aldrei upplifað svona lítinn vind hér á Ásvöllum. Það blæs lítið sem ekkert.

Óliver með aukaspyrnuna sem fer af slánni og yfir. Fínasta spyrna þarna.

Það eru greinilega nokkur vitlaus númer á skýrslu hjá ÍR. Það gerir manni erfiðara fyrir í lýsingunni.

Sölvi með skot að marki fyrir utan teig en það er kraftlítið og Vilhelm í marki ÍR á í engum vandræðum með það.

Stefán Þór kominn inn í byrjunarliðið hjá ÍR sýnist mér. Hann á hér skot sem Hallur Húni kemst fyrir.

Það er stemning í stúkunni. Menn tala um að það sé uppselt. Það er tromma og læti.

Haukar í góðri sókn og Nikola fær ágætis tækifæri í teignum en á fast skot sem fer í hliðarnetið. Haukar strax að ógna.

Þá er leikurinn hafinn.

Leikmenn eru að fara að ganga út á völl. Við förum fljótlega að hefja leik hér á Ásvöllum.

Ásgeir Börkur Ásgeirsson, miðjumaðurinn sterki, er ekki með ÍR-ingum í dag. Hann gekk í raðir félagsins frá Fylki í vetur.

Leikurinn hefst 18:45 og ég hvet auðvitað alla til að skella sér á völlinn. Það er fínasta veður úti. Þetta er frábær upphitun fyrir fótboltasumarið í 2. deild karla.

Byrjunarliðin fyrir þennan leik eru klár. Björgvin Stefánsson, sem er byrjaður að spila fótbolta aftur eftir veikindi, er á bekknum hjá Haukum.

ÍR vann sinn riðil mjög þægilega, þeir unnu alla leikina fimm. Þeir skoruðu 23 mörk og fengu aðeins á sig tvö. Augnablik, KFG og Ægir komu svo þar á eftir með níu stig.

ÍR mætti svo KFA í undanúrslitunum og unnu þar eftir vítaspyrnukeppni. ÍR komst í 0-2 en missti það niður í 2-2. Leikurinn fór beint í vítaspyrnukeppni og þar höfðu ÍR-ingar betur.

Til þess að komast í þennan úrslitaleikinn þá unnu Haukar B-riðill í B-deild Lengjubikarsins. Þeir enduðu með jafnmörg stig og Sindri og Þróttur Vogum (öll með tólf stig) en tóku þetta á markatölunni.

Haukarnir lögðu svo Ými í undanúrslitunum, 6-1.

Við erum svo sannarlega að fara að fá fróðlegan leik hér í kvöld á milli tveggja liða sem stefna á að fara upp úr 2. deildinni í sumar.

Góðan daginn og verið velkomin í beina textalýsingu frá leik Hauka og ÍR í úrslitaleik B-deild Lengjubikars karla. Leikið er á Ásvöllum.