SKÝRSLAN: Fyrsta tap Víkinga í Bestu deildinni árið 2023
Hvað réði úrslitum?
Eftir frekar jafnan fyrri hálfleik þar sem bæði lið fengu færi opnaðist leikurinn í seinni hálfleiknum með tveimur mörkum frá Valsmönnum á stuttum tíma. Víkingar náðu að svara og komu stöðunni í 1-2 og eftir þriðja markið hjá Valsmönnum þá datt tempóið niður hjá Víkingum en náðu þó inn marki á 92 mínútu og kom það bara of seint og Valsmenn með gríðarlega sterkan sigur.
Bestu leikmenn
1. Tryggvi Hrafn Haraldsson (Valur)
Tryggvi Hrafn var allt í öllu í sóknarleik Valsmanna í kvöld. Var lang líflegastur Valsmanna í fyrri hálfleik og skoraði svo tvö í þeim síðari ásamt því að leggja upp eitt á Aron Jóhannsson
2. Hlynur Freyr Karlsson (Valur)
Hlynur var gjörsamlega frábær á miðju Valsmanna í kvöld. Var með Nikolaj Hansen í vasanum allan leikinn og elti hann hvert sem hann fór og maður skilur núna ástæðuna hjá Arnari Grétars að taka Birki Heimis út og færa Hlyn niður á miðjuna.
Atvikið
Aron Jóhannssson fékk boltann eftir innkast og átti frábæra sendingu út til vinstri í hlaup á Tryggva Hrafn sem tók hann með sér inn á teiginn og leitar á hægri fótinn og klárar frábærlega. Geggjað mark.
Hvað þýða úrslitin?
Víkingar sitja enþá á toppi deildarinnar með 27.stig. Valur lyftir sér upp í annað sæti deildarinnar með 22.stig og fimm stigum á eftir Víkingum.
Vondur dagur
Karl Friðleifur var í brasi í kvöld og missti Tryggva Hrafn fram fyrir sig í öllum þremur mörkum Vals.
Dómarinn - 10
Vilhjálmur Alvar og hans menn dæmdu þennan leik frábærlega í kvöld og ekkert út á þá að setja.