SKÝRSLAN: Fjölnismenn með iðnaðarsigur á skaganum
Hvað réði úrslitum?
Færanýting Skagamanna í seinni hálfleik. Fjölnir sáu ekki til sólar í allan seinni hálfleik þar sem Skagamenn voru syndandi í færum og Sigurjón var að verja eins og óður maður í marki Fjölnis. Ég man ekki eftir að Fjölnismenn komust mikið yfir miðju áður en þeir skora mark númer 2.
Bestu leikmenn
1. Sigurjón Daði Harðarson
Magnaður í dag. Ef það hefði ekki verið fyrir honum hefðu Fjölnismenn farið með núll stig í Grafarvoginn, það er alveg klárt. Átti einhverja markvörslu tímabilsins í stöðunni 1-0 í seinni hálfleik og var óhepinn að ná ekki að halda hreinu.
2. Hans Viktor Guðmundsson
Skorar fyrsta markið og vann sína vinnu betur en flestir í dag. Þegar Gísli Laxdal og Steinar voru að skapa færi og koma með fyrirgjafir á Viktor var Hans alltaf mættur í baráttuna og vann hana oftast. Hans er stærsta ástæðan afhverju Viktor til dæmis átti erfitt í dag.
Atvikið
Markvarsla Sigurjóns á 70. mínútu í stöðunni 1-0. Líklegast bara markvarsla tímabilsins. Einnig hefði mark hjá Skaganum á þessum tímapunkti í leiknum gert það að verkum að þeir hefðu unnið leikinn að mínu mati.
Hvað þýða úrslitin?
Fjölnir fer á toppinn á markatölu en þeir eru með jafn mörg stig og Afturelding. Skagamenn sitja hinsvegar eftir í sjöunda sæti og eru að fjarlægast topp pakkann.
Vondur dagur
Jón Þór Hauksson. Það hlýtur að vera komin alvöru pressa á Jón eftir úrslitin í dag. Einn sigur í fimm leikjum. Maður hefði líka getað valið bara sóknarleik Skagans en Jón Þór fær þetta þar sem leikurinn tapast hjá ÍA og síðan ákvað hann ekki að koma í viðtal til mín!
Dómarinn - 8
Drullu góður í dag. Skýr lína og hafði mikla stjórn á leiknum. Eina sem er kannksi hægt að sitja út á hann er þessi vítaspyrnudómur. En þar sem það kom ekki að sök þá fær hann verðskuldaða áttu frá mér í dag.