SKÝRSLAN: Víkingar halda áfram að vinna
Hvað réði úrslitum?
Klaufagangurinn í vörn Fylkis var mikill í báðum mörkum Víkinga. Bergdís var ein á auðum sjó þegar hún skallaði boltann í netið eftir 37 mínútur og það sama má segja um sigurmarkið hjá Nadíu þar sem Fylkiskonur eru of seinar í alla bolta.
Bestu leikmenn
1. Nadía Atladóttir
Átti geggjaðan leik. Vann leikinn fyrir Víking í lokin og hætti aldrei að hlaupa og berjast. Fyrirliðinn var magnaður í dag.
2. Guðrún Karítas Sigurðardóttir
Skoraði fyrir Fylki á 86. mínútu og var allt í öllu fyrir Fylki. Ég hreinlega veit ekki hvar Fylkir væru staddir án hennar en hún hefði sennilega verið maður leiksins með yfirburðum ef Nadía hefði ekki skoraði í lokin. Vallarþulur Fylkis valdi hana einmitt sem maður leiksins
Atvikið
Markið hjá Nadíu í lokin. Hvað annað? Algjörlega gegn gangi leiksins og skilur liðin að. Algjör dramatík!
Hvað þýða úrslitin?
Víkingar fara á toppinn með fullt hús stiga eftir 5 umferðir en Fylkiskonur sitja eftir í fjórða sæti.
Vondur dagur
Varnarlína Fylkis. Erfitt að velja einhvern einn leikmann þar sem varnarleikur Fylkiskvenna var ekki upp á marga fiska. Bæði mörk Víkinga voru svokölluð skítamörk eins og Gunnar Magnús, þjálfari Fylkis, orðaði það.
Dómarinn - 10
Sigurður og hans teymi voru geggjaðir í dag. Voru með allar ákvarðanir réttar og leyfðu leiknum að fljóta. Stærsta ákvörðun þeirra félega í leiknum var sennilega þegar þeir tóku mark af Fylki í miðjum síðari hálfliek. Mín skoðun er sú að boltinn fór ekki inn og þar að leiðandi rétt ákvörðun.