SKÝRSLAN: Bikarmeistararnir í undan úrslitin enn eina ferðina
Hvað réði úrslitum?
Bikarmeistararnir sigldu þessu heim eftir að liðið náði forystunni strax í upphafi síðari hálfleik sem var blaut tuska í andlitið á Þórsurum. Þórsarar fengu þó færi til að jafna metin en allt kom fyrir ekki.
Bestu leikmenn
1. Ari Sigurpálsson
Á þátt í fyrra markinu og tryggir sínum mönnum sigurinn og sæti í undanúrslitum.
2. Vilhelm Ottó Biering Ottósson
Var hættulegur fram á við og sterkur á móti Birni í vörninni sem náði sér ekki á strik.
Atvikið
Tvö atvik í leiknum sem poppa upp í hugann. Versta mögulega byrjunin í seinni hálfleik fyrir Þórsara að fá á sig mark sem tryggði sigurinn. Stuttu síðar fer Arnór Borg í hörku tæklingu á gulu spjaldi en ekki rekinn af velli.
Hvað þýða úrslitin?
Víkingar komnir áfram í undanúrslit þriðja árið í röð en Þór úr leik og ekkert bikarævintýri í Þorpinu.
Vondur dagur
Birnir Snær Ingason fann sig ekki í dag. Hefur verið frábær í Bestu deildinni en náði engan veginn að setja mark sitt á leikinn í dag. Kristófer Kristjánsson nagar sig í handabökin að gera ekki betur þegar hann komst einn í gegn.
Dómarinn - 5
Ég held að Þórsarar hafi eitthvað fyrir sér í því að Arnór Borg hefði átt að fá rautt spjald. Ef og hefði - Þetta hefði getað verið allt annar leikur síðustu 35 mínúturnar ef svo hefði farið.