SKÝRSLAN: HK sýndi aftur töfra gegn Blikum
Hvað réði úrslitum?
HK leyfðu Breiðablik að vera með boltann en gáfu mjög fá færi á sér og vörðust frábærlega og áttu svo frábærar skyndisóknir og sóknarlotur sem þeir nýttu. Aðdáunarvert að sjá þennan karakter og vilja í vörn HK í þessum leik.
Bestu leikmenn
1. Arnþór Ari Atlason
Það eru svo margir sem gera tilkall þar sem þetta var algjör liðsframmistaða en vel Arnþór Ara þar sem hann skoraði og lagði upp auk þess að hafa skilað alvöru hlaupatölum.
2. Leifur Andri Leifsson
Tekur við þessari nafnbót fyrir hönd varnarlínunnar. Vörn HK var virkilega þétt og góð í kvöld.
Stefán Ingi fær líka shout hérna en hann gaf allt í þetta fyrir Blika.
Stefán Ingi fær líka shout hérna en hann gaf allt í þetta fyrir Blika.
Atvikið
Fjórða mark HK og rothöggið fyrir Blika. Breiðablik minnkar muninn og virðast vera með momentið en HK svarar markinu þeirra strax í næstu sókn nánast og drepa mómentið algjörlega fyrir Blikum.
Hvað þýða úrslitin?
HK styrkir stöðu sína í 6.sætinu og færist nær FH sem sitja í 4.sætinu. Breiðablik eru að dragast aftur úr og hafa núna ekki unnið leik í deildinni í heilan mánuð en sitja þrátt fyrir það áfram í 3.sæti deildarinna en gætu misst Víkinga 10 stigum frá sér þegar uppi er staðið í þessari umferð.
Vondur dagur
Hafsentapar Breiðabliks átti ekkert spes dag. Í tvígang var skorað með því að krossa bolta í svæðið á milli þeirra. Viktor Örn átti svo hræðilega hreinsun sem fór af Alexander Helga og til Arnþórs Ara sem skoraði svo þeir hafa átt betri daga.
Dómarinn - 8
Var mjög góður í þessum leik. Fjölmörg spjöld fóru á loft en enginn rekinn útaf svo það er alltaf kostur. Enginn ákvörðun sem ég man eftir í fljótu sem var augljóslega röng.