Blikar spila úrslitaleik við Buducnost frá Svartfjallalandi á föstudaginn! Takk kærlega fyrir samfylgdina, viðtöl og skýrsla á eftir!

Blikar eru að hóta sjötta markinu Skemmtilegir taktar frá Viktori Karli sem keyrir inn á teig og á skot beint á Migani í marki Tre Penne

Frábær sókn Blika sem endar á því að Viktor Karl kemur með rosalega kærulausa vippu sem endar í lúkunum á Migani í markinu

En flaggaður rangstæður Viktor Karl með sendingu upp kantinn á Höskuld sem sendir fyrir á Stefán, Stefán á skot í markmann Penne manna í sjálfan sig og inn en Höskuldur er flaggaður rangstæður

Stefán!! Geggjuð fyrirgjöf á fjær þar sem að Stefán er inn á teig og á skalla í bakið á varnarmanni Penne manna og þaðan í hornspyrnu Það varð ekkert úr hornspyrnunni svo

Gísli Eyjólfs í ansi góðu skotfæri í D-boganum en skotið er afar lélegt með jörðinni beint á Migani í markinu Blikar eru að undirbúa þrefalda skiptingu

Jafn lítið að frétta og áðan Þolinmæðisverk í gangi hjá grænum Anton Logi búinn að vera öflugur síðan hann kom inn á

Ofboðslega lítið að frétta síðustu mínútur, Blikar bara að halda í boltann en gera lítið við hann

Gísli keyrir framhjá einum og gefur boltann til hliðar, platar varnarmann og á skot með vinstri í fjær sem Migani ver til hliðar, svo á Ágúst fyrirgjöf yfir markið!

3-1 í hálfleik, 10-3 í marktilraunum og miðað við færin, nokkuð sanngjarnt! Sjáumst aftur eftir korter !

+3 í uppbót Blikar að fá hornspyrnu

Boltinn færður frá vinstri til hægri, alla leið á Höskuld sem á fasta sendingu fyrir markið og þar mætir Klæmint sem reynir hælspyrnu en beint í varnarmann svo kemur Migani í markinu og handsamar boltann

Breiðablik og að díla við fyrirgjafir. Úffffff

— Kristján Óli Sigurðsson (@kristjanoli) June 27, 2023

Leikurinn gegn Tre Penne er 200. mótsleikur Olivers Sigurjónssonar. Til hamingu Oliver. pic.twitter.com/s9k81UC2SR

— Blikar.is / Íslandsmeistarar 2022 (@blikar_is) June 27, 2023

Penne menn í hálf-færi en Badalassi tá-ar boltann 10 metra framhjá markinu

Video Assistant Referee.... Sending inn fyrir á Imre Badalassi sem er augljóslega einhverjum 7 metrum fyrir innan sleppur einn inn fyrir og á skot sem Anton ver og þá flaggar AD1

Ágúst í færi!! Viktor Karl með skemmtilega takta og á sendingu á Ágúst sem á skot yfir markið

Heyrðu... Geggjuð aukaspyrna inn á teig þar sem að Tre Penne menn fá frían skalla inn á teig En Mads Kristoffersen dómari dæmir hins vegar aukaspyrnu, dekkningin inn á teig léleg líkt og á móti HK í Kórnum

Annað færi! Flott sókn þar sem að Blikar færa boltann milli kanta og boltinn endar hjá Davíð Ingvars sem reynir skot en fer af varnarmanni og þaðan aftur fyrir

Færi! Alexander Helgi kominn á hægri kantinn og á flotta fyrirgjöf inn á teig þar sem að Klæmint Olsen á skalla framhjá markinu!

Tre Penne menn með skemmtilega útfærslu eftir hornspyrnu þar sem að þeir fá gott skottækifæri inn í D-boganum en á fast skot í varnarmann Blika

Leikmenn og þjálfarar Buducnost mættir á Kópavogsvöll að scout-a næsta andstæðing sinn en sigurliðið hér mætir þeim á föstudag

Flott sókn Blika sem endar á því að Höskuldur fær boltann upp við endalínu og leggur boltann út í teig á Ágúst Eðvald sem er í dauðafæri en Migani í markinu ver þetta vel.

Óskar Hrafn gerir sex breytingar frá 5-2 tapinu gegn HK en Ágúst Hlynsson, Davíð Ingvarsson, Kleimint Olsen, Oliver Stefánsson, Oliver Sigurjónsson og Damir Muminovic koma allir inn í liðið í kvöld.

Verða Blikar í sama stutta spili og þeir voru í gegn HK? Munu Blikar stilla upp sínu sterkasta liði? Verður þetta síðasti leikur Stefáns Inga fyrir Breiðablik? verður áhugavert að sjá

Blikar munu mæta Buducnost á föstudaginn ef þeir vinna Tre Penne. Þessi lið mættust í fyrra í undankeppni sambandsdeildarinnar, þar var alvöru hiti á Kópavogsvelli. En Blikarnir þurfa fyrst að klára leikinn í dag

"Við erum búnir að skoða þá eins vel og nokkur kostur er á. Það liggja ekki á lausu upptökur frá deildinni þannig að við þurftum að koma okkur inn á einhverjar síður og nota skjáupptöku á leiki hjá þeim. Það hefur gengið ágætlega," segir Óskar og bætir við: „Við erum með þokkalega mynd af þessu liði. Þetta eru góðir fótboltamenn. Leiðin á móti þessu liði er að spila af krafti, ná upp tempói og gera hlutina hratt. Þetta eru góðir fótboltamenn sem eru við fyrstu sýn ekki brjálæðislega spenntir fyrir því að mæta í návígum og hörku. Þetta eru gæðaleikmenn sem geta sært þig þegar þeir fá pláss og tíma. Við þurfum að keyra upp hraðann, vera grimmir og harðir."

„Krafan frá okkur sjálfum er að vinna þennan leik, en það verður svo sannarlega ekkert vanmat. Við vitum að þeir munu gefa allt í þetta eins og bikarleikir og Evrópuleikir eru. Það skiptir ekki máli hver mótherjinn er, þetta er alltaf smá ströggl og erfitt," segir Höskuldur en hann hvetur fólk til að skella sér á völlinn á morgun. "Við erum alltaf að reyna að hækka ránna í þessum Evrópubolta hjá íslenskum félagsliðum. Það byrjar á morgun og ég hvet alla til að mæta á völlinn."

Heilir og sælir lesendur góðir og verið velkomnir í þráðbeina textalýsingu frá Kópavogsvelli þar sem að Breiðablik mætir Tre Penne frá San Marínó