SKÝRSLAN: KR á sigurbraut en gæðaleysið algjört hjá Keflvíkingum
Hvað réði úrslitum?
Það eru miklu betru fótboltamenn í liði KR en í liði Keflavíkur í dag. Þeir leikmenn náðu að sýna nægileg gæði til að skora tvisvar og áttu að skora oftar. Gæðaleysið hjá Keflavík er algjört fram á við, ágætir að verjast en hlutirnir mjög langt frá því að smella sóknarlega.
Bestu leikmenn
1. Ægir Jarl Jónasson
Þriðja markið í fjórum leikjum hjá Ægi sem er að finna sig vel í nýja leikkerfinu. Skilar alltaf góðri vinnu á miðsvæðinu.
2. Kristinn Jónsson
Góður leikur hjá Kristni sem átti erfitt uppdráttar í byrjun tímabils. Bjó til færi í þessum leik og minnti á sig. Atli Sigurjóns átti einnig fínan leik og margar nokkuð fínar frammistöður hjá KR.
Atvikið
Markið hjá Atla í lok fyrri hálfleiks létti á hlutunum fyrir KR í seinni hálfleik og voru heimamenn nokkuð þægilegir út leikinn.
Hvað þýða úrslitin?
KR er komið í efri hlutann, sex leikir frá tapinu gegn Blikum og tveir 2-0 sigrar í röð. Keflavík er áfram á botninum, nú eru komnir tólf leikir án sigurs.
Vondur dagur
Keflavík þarf níu í liðið eins og mannskepnan þarf súrefni - lífsnauðsynlega. Sami Kamel þarf að snúa til baka sem fyrst og vonandi er stutt í Stefan Ljubicic sem glimir við höfuðmeiðsl.
Dómarinn - 7
Líklega var Frans ekki fyrir innan í fyrri hálfleiknum þegar flaggið fór á loft. Annars flott frammistaða hjá teyminu og ekki erfiðasti leikurinn að dæma.