SKÝRSLAN: Funheitir Skagamenn í sólinni
Hvað réði úrslitum?
Skagamenn fengu fleiri og betri hættulegar stöður á vellinum og nýttu tvö af sínum færum í leiknum í kvöld. Skagamenn hefðu svo sannarlega getað skorað fleiri mörk í kvöld en stigin þrjú eru það sem telja og erfitt að segja annað en að sigurinn sé sanngjarn.
Bestu leikmenn
1. Steinar Þorsteinsson
Leggur upp bæði mörk ÍA í kvöld og var lúsiðinn á miðjunni. Fín frammistaða í sólinni.
2. Arnór Smárason
Freistandi að setja hann efstan í kvöld en Steinar hafði það. Arnór átti miðsvæðið í kvöld og það var gaman að fylgjast með honum. Virðist njóta sín vel á vellinum sem stendur og það er vel fyrir Skagamenn.
Atvikið
Kvöldið í heild á Skaganum er atvikið fyrir mér. Fólk að sóla sig í brekkunni að fylgjast með leiknum og njóta veðurblíðunar sem var. "Flóridaskagi" stóð sannarlega undir nafni í kvöld sem er vel eftir blautt og kalt vor.
Hvað þýða úrslitin?
Skagamenn elta Aftureldingu og Fjölni og sitja í þriðja sæti með tuttugu stig. Aðeins eitt stig er í annað sætið en sex stig eru í Mosfellinga á toppnum. Njarðvík situr á meðan í ellefta sæti deildarinnar með sjö stig
Vondur dagur
Ákvarðanataka á sóknarþriðjungi og þá sérstaklega í fyrri hálfleik kostaði Njarðvík mögulega í kvöld. Oft á tíðum voru þeir að skapa hættulegar stöður þar sem möguleiki var á að færa boltann út í breiddina og fylla teiginn þegar ákvörðun var frekar tekinn um að skjóta af tuttugu metrum. Nokkuð sem leikmenn þurfa að læra af.
Dómarinn - 7
Get lítið kvartað undan Gunnari Oddi í kvöld heilt yfir. Samræmið klikkaði stundum að mínu mati en leikurinn var yfir heildina bara vel dæmdur.