SKÝRSLAN: SJálfsmark og dómaramistök
Hvað réði úrslitum?
Leikurinn var lokaður og hvorugt liðið skapaði sér mikið af færum. Hefði getað dottið hvorum megin sem er. Vestramenn eru bestir í leikjum sem þessum þar sem baráttan skiptir meginmáli. Þeir taka oftast 3 stig í slíkum leikjum.
Bestu leikmenn
1. Nacho Gil
Skorar gott mark og er einn mest skapandi leikmaður liðsins. Gerir vel í markinu að mæta á seinna tempóinu inn í teiginn.
2. Sergine Fall
Leggur upp fyrra markið og er mjög góður sérstaklega fram á við í hægri bakvarðastöðunni.
Atvikið
Að Erlendur dæmi ekki víti fyrir Þrótt í stöðunni 1-1 er óskiljanlegt. Mjög augljós hendi inn í teig sem stelur góðu marktækifæri. Erlendur labbar líklega ekki stoltur af velli í dag.
Hvað þýða úrslitin?
Þróttur missti af tækifæri til að komast í umspilssætin. Vestramenn eru hinsvegar mættir í þá baráttu og sitja í 8. sæti.
Vondur dagur
Sveinn Óli Guðnason gerir vel í að verja vítið sem sigurmarkið kom úr en hann er einstaklega klaufalegur í því að slá boltann í markið eftir að hann varði. Grátlegt fyrir þennan annars flotta markmann.
Dómarinn - 4
Stal jafnvel sigri af Þrótturum. Örfáum mínutum fyrir sigurmarkið hjá Vestra dæmir hann ekki mjög augljósa vítaspyrnu fyrir Þróttara. Hitt vítið sem hann dæmdi var réttur dómur.