Þetta fer að bresta á! Liðin ganga þá til vallar og klappa í átt að áhorfendum þegar Besta stefið ómar í tækjunum hér í Úlfarsárdalnum.

Damir ekki í hóp Damir Muminovic, varnamaður Breiðabliks, er ekki í hóp í kvöld. Þetta er að öllum líkindum meiðsli sem eru að hrjá hann en vonandi verður í lagi með hann fyrir leikinn gegn Shamrock Rovers á þriðjudaginn!

Byrjunarliðin! Þá eru byrjunarliðin komin í hús. Eins og lang flestir hefðu kannski gikað á að þá gera Blikarnir allt að sex breytingar á sínu liði frá leiknum í Írlandi. Inn í liðið koma Arnór Sveinn, Alexander Helgi, Anton Logi, Ágúst Eðvald, Davíð Ingvars og Óliver Stefáns. Þeir sem byrjuðu gegn Shamrock Rovers og byrja ekki í dag eru Damir, Höskuldur, Andri Rafn, Jason Daði, Kristinn Steindórs og Óliver Sigurjóns.

Fram gerir þó einungis tvær breytingar frá tapinu í Eyjum. Inn í liðið koma þeir Tryggvi Snær og Már Ægisson fyrir Óskar Jónsson og Orra Sigurjónsson. Orri hefur verið að gíma við einhver meiðsli í vikunni veit ég.

Sú allra besta! Eins og staðan er í dag lítur taflan í Bestu deildinni svona út:

1. Víkingur R. - 38 stig
2. Valur - 32 stig
3. Breiðablik - 27 stig
4. FH - 21 stig
5. KR - 19 stig
6. HK - 17 stig
------------------------
7. KA - 17 stig
8. ÍBV - 16 stig
9. Stjarnan - 14 stig
10. Fram - 14 stig
11. Fylkir - 12 stig
12. Keflavík - 9 stig

Síðan eiga nokkur lið leiki til góða. Stjarnan er t.d. búið að spila 13 leiki en Víkingur R. og Fylkir hafa spilað 15 leiki. Bæði Fram og Breiðablik hafa spilað 14 leiki og er þetta því 15. leikurinn þeirra í deildinni í sumar.

Risatíðindi! Núna er ljóst að Alex Freyr er ekki á leiðinni til baka í Fram eftir að hafa verið ósáttur með spilatímann sinn í Breiðablik. Alex Freyr var mikið orðaður við Fram en einhverjar sögur segja að Jón Sveinsson, þjálfari Fram, hafi komið í veg fyrir félagskiptin. Það verður áhugavert að heyra í bæði Jóni og Óskari varðandi félagskiptin eftir leik.

Dómarateymið Elías Ingi Árnason fær það skemmtilega verkefni að dæma þennan leik í kvöld. Honum til aðstoðar verða Bryngeir Valdimarsson og Sveinn Ingi Sigurjónsson Waage. Ívar Orri Kristjánsson er varadómari kvöldsins en Jón Magnús Guðjónsson er eftirlitsmaður KSÍ.

Skemmtileg staðreynd: Elías Ingi dæmdi seinasta leikinn milli þessara liða sem endaði með 5-4 sigri Blika.

Tölfræði Elías Inga í Bestu deildinni í sumar:
Leikir: 4
Gul spjöld: 20
Rauð spjöld: 1
Dæmdar vítaspyrnur: 0

Framarar með tök á Blikunum í gegnum tíðina Fram og Breiðablik hafa mæst á vegum KSÍ í allt að 72 skipti en Framarar hafa unnið fleiri leiki í þessum viðureignum heldur en Blikarnir. Markatalan í í þessum viðureignum er 122-107 einnig Fram í vil.

Breiðablik sigur: 21
Jafntefli: 18
Fram sigur: 33

Seinast þegar liðin mættust endaði sá leikur 5-4 fyrir Breiðablik þegar Klæmint Olsen skoraði alveg í blálokin og gulltrygði sigurinn fyrir Breiðablik. Einn af leikjum tímabilsins engin spurning og ég á bara von á svipaðri veislu hér í kvöld!

Hér eru svipmyndir frá 9 marka leiknum í 4. umferð.

Framarar í harðri baráttu í deildinni Seinasti leikur Framara fór fram í Eyjum en þar töpuðu þeir sanngjarnt 1-0 eftir erfiðan leik. Í leiknum þar á undan unnu þeir góðan og mikilvægan 3-2 heimasigur á HK. Ná þeir að vinna hitt Kópavogsliðið í kvöld?



Það sem hefur kannski einkennt Framarana í sumar er mörk. Það er aðeins eitt lið sem hefur fengið á sig fleiri mörk en Fram en þeir eru einnig stórhættulegir fram á við sem bjargar þeim oft á tíðum. Framarar hafa einungis tapað tveimur leikjum í sumar á heimavelli í 7 leikjum og unnið fjóra. Þeir hafa enn ekki unnið á útivelli í sumar.

Framararnir eru í 10. sæti í Bestu deildinni eins og staðan er núna en með sigri geta þeir farið alla leið upp í 7. sætið og jafnvel í 6. sætið ef sigurinn verður nógu stór.

Blikarnir komnir á sigurbraut í deildinni Eftir að Blikarnir duttu út úr bikarnum á dögunum var það ljóst að eina leiðin fyrir þá að vinna titil á árinu væri að vinna deildina aftur. Breiðablik eru 11 stigum á eftir Víkingum sem eru á toppnum en eiga þó leik til góða. Ef þeir ætla að eiga séns á því að verja skjöldin í ár er ljóst að þrjú stig í kvöld eru nauðsynleg svo vægt sé til orða tekið. Blikarnir unnu stóran og góðan 5-1 sigur í seinasta deildarleik gegn Fylki sem reyndist fyrsti deildarsigur Blikanna í yfir mánuð. Blikarnir líta eflaust á þennan leik sem skyldusigur.

Stutt á milli leikja hjá Breiðabliki Eins og flestir fótboltaunendur vita að þá eru Blikarnir í miðju Meistaradeildareinvígi við Shamrock Rovers. Blikarnir eru 1-0 yfir í því einvígi en það verður áhugavert að sjá hvort Óskar Hrafn muni gera einhverjar breytingar á liðinu. Það er svo sannarlega stutt á milli leikja hjá Breiðablik þessa daganna. 3 leikir á 7 dögum!

Föstudagskvöld í Úlfarsárdalnum! Heil og sæl ágætu lesendur og verið hjartanlega velkomin í þráðbeina textalýsingu úr leik Fram og Breiðabliks í efstu deild karla. Leikurinn fer fram á heimavelli Framara í Úlfarsárdalnum. Alvöru föstudagsleikur sem hefst klukkan 20:15. Þetta verður veisla!