Þá ganga liðin til vallar og gera sig klár í þennan RISALEIK!

Samræður við miðjubogann Baldvin Már Borgarsson, aðstoðarþjálfari Ægis, tekur spjallið við Marc McAusland, varnarmann Njarðvíkur, við miðjubogann rétt fyrir leik þegar liðin eru að ganga til búningsherbergja. Spurning hvort hann sé að reyna að sannfæra hann um að koma til Þorlkáshafnar þegar glugginn opnar?

Byrjunarliðin komin í hús! Þá eru liðin komin í hús og Njarðvíkingar gera þrjár breytingar en þeir Oliver James Kelaart Torres, Walid Birrou Essafi og Hreggviður Hermannsson koma út úr liðinu sem gerði 1-1 jafntefli við Fjölni í seinustu umferð. Hreggviður fékk einmitt rautt í þeim leik og er í leikbanni í dag. Inn í liðið koma Robert Blakala, markmaður Njarðvíkur, sem er búinn að vera í leikbanni í seinustu tveimur leikjunum í deildinni eftir að hafa fengið sitt annað rauða spjald á tímabilinu í leik gegn Leiknir. Einnig koma Magnús Magnússon og Tómas Þórisson inn í liðið. Ennþá engin Marc McAusland í byrjunarliðinu hjá Njarðvíkingum en hann fær sætið á bekknum.



Tokic kemur inn í liðið hjá Ægi

Ægismenn gera tvær breytingar á liðinu sem tapaði naumlega í Breiðholtinu í seinustu umferð gegn Leikni R. en Hrovje Tokic og Anton Fannar koma inn í liðið fyrir þá Benedikt Darra og Brynjólf Þór.

Bein útsending:

Kemur annar sigur Ægismanna í sumar í dag? Eggert Aron Guðmundsson, leikmaður Stjörnunnar og U19 ára landsliðsmaðurinn, spáði í spilin fyrir komandi umferð og hafði þetta að segja um leik Ægis og Njarðvíkur:

Ægir 1 - 0 Njarðvík
„Lokaður leikur milli tveggja liða sem hafa átt erfitt uppdráttar. Búin að vera neikvæð umræða í Njarðvík upp á síðkastið. Ægis menn sækja sinn annan sigur í mótinu. Alvöru iðnaðarsigur þar sem að Rolin setur mark í upphafi leiks.“

Lengjudeildin spennandi! Taflan í Lengjudeildinni lítur nákvæmnlega svona fyrir umferðina sem verður spiluð í dag:

1. Afturelding - 29 stig
-----------------------------
2. Fjölnir - 22 stig
3. ÍA - 20 stig
4. Grindavík - 15 stig
5. Þór - 14 stig
-----------------------------
6. Grótta - 13 stig
7. Þróttur R. - 13 stig
8. Vestri - 12 stig
9. Leiknir R. - 11stig
10. Selfoss - 10 stig
-----------------------------
11. Njarðvík - 8 stig
12. Ægir - 4 stig

Dómarateymið Það var farið í efstu hillu þegar það var valið dómara fyrir leikinn en Pétur Guðmundsson heldur utan um flautuna í dag. Hreinn Magnússon og Bjarni Víðir Pálmason aðstoða Pétur með dómgæsluna en Þórður Georg Lárusson er eftirlitsmaður KSÍ.

Pétur hefur dæmt tvo Lengjudeildarleiki á þessu tímabili. Það eru leikir milli Grindavíkur og Þórs og einnig leikur Þróttar og Ægis. Í þessum tveimur leikjum hefur hann gefið samtals 10 gul spjöld og eina vítaspyrnu.

Fyrri viðureignir liðanna Samkvæmt KSÍ hafa liðin mæst 17 sinnum en Njarðvíkingarnir hafa heilt yfir verið með ágætis tök á Ægismönnunum í gegnum tíðina. Seinasti leikurinn milli þessara liða fór fram í sumar á Rafholtsvellinum í Njarðvík þar sem leikurinn endaði í 2-2 jafntefli en Njarðvíkingar voru manni færri í langan tíma eftir að Marc McAusland fékk rauða spjaldið í fyrri hálfleik.

Viðureignir Ægis og Njarðvíkur á vegum KSÍ
Ægir sigur: 5
Jafntefli: 1
Njarðvík sigur: 11

Þess má einnig geta að markatalan í þessum leikjum er 45-26 Njarðvíkingum í vil.

Er starf Arnars í hættu? Það hafa verið miklar umræður um stöðu Arnars Hallssonar, þjálfara Njarðvíkur, eftir byrjunina á tímabilinu. Það hefur mikið gengið á utan vallar hjá Njarðvíkingum í sumar. Eitthvað hefur komið upp á milli Marc McAusland og Arnars þar sem Marc, einn besti varnarmaður deildarinnar, hefur ekki byrjað seinustu tvo leiki og var ekki í hóp gegn ÍA á dögunum. Einnig sagði Arnar að Rafael Victor, framherji Njarðvík, væri búinn að spila sinn síðasta leik fyrir Njarðvík í sumar en á dögunum snéri hann aftur í byrjunarliðið.



Maður veit hreinlega ekki hvað gengur á þarna bakvið tjöldin en ef leikurinn tapast í dag hjá Njarðvík þá er ljóst að starf Arnars Hallssonar sé í stórri hættu. Það hafa margir gagnrýnt Njarðvík að láta Bjarna Jó fara og ráða Arnar eftir yfirburðar tímabil hjá Bjarna í 2. deildinni í fyrra. Ég verð ekki hissa ef Arnar verður látinn fara í vikunni skyldi leikurinn tapast.

Njarðvíkingarnir Uppskera Njarðvíkinga í sumar hefur alls ekki verið eins góð og þeir hefðu viljað. Þeir sitja í 11. sæti með 8 stig af 33 mögulegum og tveimur stigum frá öruggu sæti. Njarðvíkingar náðu í gott stig í seinasta deildarleik gegn Fjölni sem eru í næst efsta sæti. Njarðvíkingar hafa unnið einungis einn leik í sumar og hann kom 26. maí gegn Þrótti. 56 dagar án sigurs en sigur í dag gæti þýtt svo miklu meira en bara þrjú stig.

Ægismenn óheppnir í sumar Ef það myndi vera skrifuð bók um byrjunina á tímabilinu hjá Ægismönnum myndi sú bók fá titilinn: Stöngin út.

Ægismenn sitja á botni deildarinnar og eru 6 stigum frá öruggu sæti í deildinni og fjórum stigum frá Njarðvík sem eru einu sæti fyrir ofan þá. Ægir tapaði seinasta leiknum sínum gegn Leikni í Breiðholtinu þar sem þeir fengu tvö mörk á sig í blá lokin og töpuðu leiknum 3-2. Ægismenn fengu meira að segja sjálfir færi undir lokin til þess að vinna leikinn en boltinn fór bara ekki inn. Það hefur bara verið saga Ægismanna í sumar því þeir hafa gefið öllum leik og alltaf verið inni í öllum leikjum. Ef Ægismenn ætla að halda sér uppi í Lengjudeildinni í sumar myndi maður halda að þeir þyrftu að klára svona leik. Þetta er ekki 6 stiga leikur heldur er þetta 9 stiga leikur fyrir bæði lið.

Fallbaráttuslagur! Heilir og sælir ágætu lesendur og verið hjartanlega velkomin í þráðbeina textalýsingu frá Þorlákshafnarvelli þar sem Ægir og Njarðík eigast við. Þetta hlýtur að vera stærsti leikur umferðarinnar ef ekki sá mikilvægasti.