SKÝRSLAN: Blikar á Parken eftir sannfærandi sigur
Hvað réði úrslitum?
Blikar voru einfaldlega miklu betra liðið í kvöld. Þetta var held ég besta frammistaða Blika í sumar, vörnin frábær, miðjan fúnkeraði fullkomlega og sömuleiðis framlínan og sköpuðu Blikar sér mörg góð færi og góðar stöður og var þetta því mjög sanngjarn sigur. Allir sem sáu þennan leik hvort það var heima í stofu eða á vellinum geta verið sammála um það.
Bestu leikmenn
1. Oliver Sigurjónsson
Vá hvað Oliver var góður í kvöld, ótrúlega yfirvegaður á miðjunni fyrir framan vörn Blika og fór mikið af uppspili Blika í gegnum hann sem hann leysti óaðfinnalega. Staðsetningar varnarlega sem og sóknarlega upp á 10. Frábær í kvöld.
2. Viktor Örn Margeirsson og Damir Muminovic
Viktor og Damir geggjaðir, þeir sáu til þess að besti maður Shamrock, Rory Gaffney sást varla í leiknum, hann átti bara einhver skot langt í burtu en fyrir utan það voru þeir tveir með hann í gamla góða vasanum.
Atvikið
Þetta rosalega mark Högga sem gefur Blikum svo mikið, að komast í 2-0 (3-1 samtals) gerði svo rosalega mikið fyrir Blika og það var ekki að skemma að boltinn endaði bara uppi í hægra horninu, geggjað mark.
Hvað þýða úrslitin?
Blikar eru komnir áfram í 2. umferð undankeppni Meistaradeildar Evrópu og fá þeir FCK í heimsókn strax á þriðjudaginn næsta.
Vondur dagur
Ég er í góðu skapi í kvöld og sleppi því að gefa einhverjum leikmanni Shamrock Rovers "Vondan dag"
Dómarinn - 8
Virkilega vel dæmdur leikur hjá Svíanum, ekkert út á hann að setja.