Liðin ganga út á völl Stúkan er byrjuð að syngja og tralla á meðan liðin eru að ganga út á völl.

Það er vonandi Íslenskt evrópuævintýri í kortunum hér á heimavelli hamingjunnar í vændum.


KOMA SVO VÍKINGUR!!

Byrjunarlið Víkings Arnar Gunnlaugsson, þjálfari Víkings, gerir eina breytingu á sínu liði frá fyrri leiknum.

Inn kemur Birnir Snær og á bekkinn sest Halldór Smári Sigurðsson.

Samkvæmt UEFA stillir Arnar upp í 3-4-2-1. Davíð Örn Atlason er þar í miðverði með Oliver Ekroth og Gunnari Vatnhamar. Logi Tómasson og Birnir Snær Ingason eru vængbakverðir.

Aron Elís ekki með í kvöld en verður löglegur í næsta leik „Það er gríðarlega gaman," segir Aron Elís Þrándarson um að vera kominn aftur í Víkingsbúninginn. Hann er búinn að vera æfa á fullu með liðinu og er orðinn löglegur fyrir næsta deildarleik gegn KR á sunnudaginn.

Það hefur margt breyst frá því Aron lék síðast með Víkingum og liðið er núna eitt það besta á Íslandi. „Það er búið að bæta mikið hérna og það er mikið 'professional' í þessu félagi. Þetta er besta félagið á Íslandi, finnst mér. Það er drullugaman að vera kominn heim."

„Allir í kringum félagið eiga mikið hrós - stjórn, leikmenn, stuðningsmenn og þjálfarar. Það er búið að bæta allt og það gerist ekki af sjálfu sér."

Aron verður ekki með þegar Víkingur spilar gegn Riga í Sambandsdeildinni í kvöld þar sem hann fékk ekki leikheimild fyrir þann leik, en hann verður með gegn KR á sunnudaginn.

„Auðvitað vill maður spila, en ég hef fulla trú á því að strákarnir snúi þessu við," segir Aron en Víkingar eru 2-0 undir eftir fyrri leikinn. „Það verður örugglega stressandi að vera upp í stúku, það er eiginlega alltaf verra þar sem maður getur ekki gert neitt. En ég hef fulla trú á strákunum eftir að hafa verið með þeim á æfingum. Það eru bullandi gæði í okkar liði og ég hef fulla trú á þeim."

Aron ekki með í kvöld en getur mætt KR - ,,Hef fulla trú á þeim"

Dómarateymið frá Sviss Dómarateymið í þessum leik kemur frá Sviss.

Alessandro Dudic fær það verkefni að halda utan um flautuna og honum til aðstoðar verða Pascal Hirzel og Alain Heiniger.
Maðurinn sem sér um að stilla til friðar á bekknum og með skiltið er Sven Wolfensberger.

Alessandro Dudic hefur meira verið í hlutverki fjórða dómara í evrópuverkefnum en hann var til að mynda fjórði dómari í leik Salzburg - Chelsea í riðlakeppni Meistaradeildarinnar á síðasta tímabili.

Þurfum að vera miklu öruggari og með hærra sjálfstraust „Mjög vel, mjög spenntur fyrir leiknum og tími fyrir okkur að sýna hvað við getum. Við þurfum að vera miklu öruggari og vera með hærra sjálfstraust en í síðasta leik. Við vorum hræddir fannst mér einhvern veginn, vildi enginn vera með boltann eða fá boltann í svæði undir pressu. Því þurfum við að breyta," sagði Birnir Snær Ingason, leikmaður Víkings, við Fótbolta.net fyrir leikinn.

Birnir hefur verið einn allra besti leikmaður Íslandsmótsins til þessa. „Það hefur gengið vel, það er stutt á milli í fótbolta. Ef þú ert með sjálfstraustið í botni þá getur allt gerst. Það sem mér fannst mikilvægt fyrir mig var að koma inn mörkum nokkra leiki í röð. Þá fer sjálfstraustið í botn og þá byrjar boltinn að rúlla," sagði Birnir.

Birnir Ingason: Auðvitað var ég ekki sáttur en ég skildi ástæðuna

Hausar munu fjúka ef þeir detta út úr keppninni „Þetta leggst mjög vel í mig, það veitti manni innblástur að sjá Blikana í gær. Til hamingju Blikar! Virkilega vel gert. Við ætlum að nýta okkur meðbyrinn sem er í Evrópu núna hjá íslensku liðunum. Við áttum 'off' dag í Riga, það bara gerist og það þýðir ekkert að velta sér upp úr ástæðum þess. Við þurfum bara að taka því, læra af því og fara 'all-in' á morgun; vera kaldir og virkilega gefa þeim leik," sagði Arnar Gunnlaugsson, þjálfari Víkings fyrir leikinn.

„Ef við náum fyrsta markinu, hvenær sem það verður fyrir leikslok, þá munu þeir panikka. Þjálfarinn þeirra er mjög líflegur á bekknum og það er mikið undir hjá þeim, hausar munu fjúka ef þeir detta út úr keppninni. Við þurfum að ná að spyrja þá alvarlegra spurninga; að þeir þurfa virkilega að hafa fyrir hlutunum."

Arnar Gunnlaugs: Hausar munu fjúka ef þeir detta út úr keppninni

Hvað vitum við um Riga? Wikipedia segir okkur að þetta sé lið sem var formað 2015 með sameiningu tveggja liða í Lettlandi, FC Caramba og Dinamo Riga.

Félagið hefur þrívegis orðið Lettneskur meistari: 2018, 2019 og 2020.
Félagið var í öðru sæti á síðasta tímabili.

Samkvæmt Transfermarkt þá eru þrír leikmenn Riga metnir á miljon evra eða meira:

Hrvoje Babec - 2m evra
Milos Jojic - 1.2m evra
Gustavo Dulanto - 1m evra


Það hafa tveir Íslendingar leikið fyrir félagið - Axel Óskar Andrésson og Stefan Ljubicic.

Það er á brattann að sækja Víkingar áttu erfitt uppdráttar í fyrri leik þessara liða í Riga í síðustu viku og eru tveimur mörkum undir í einvíginu.

Við höfum þó fulla trú á því að Víkingar nái að snúa einvíginu sér í hag með hörku stuðning frá stúkunni!

Heil og sæl kæru lesendur! Verið hjartanlega velkominn í þessa þráðbeinu textalýsingu frá heimavelli hamingjunnar þar sem Víkingar ætla að klífa fjöll og snúa einvíginu gegn Riga sér í vil.

KOMA SVO!!!