SKÝRSLAN: Sædís Rún bjargaði stigi með hornspyrnu
Hvað réði úrslitum?
Það var kraftur í Keflavík og liðið leit svo sannarlega ekki út fyrir að vera lið sem hefur ekki unnið fótboltaleik í smá tíma. Voru klaufar að halda ekki út og missa hornspyrnu inn en það skal þó ekki tekið af Stjörnunni að þær fengu sín færi í leiknum og leit lengi vel út fyrir að ætla að vera algjör stöngin út leikur hjá þeim en hornspyrna frá Sædísi Rún bjargði þeim.
Bestu leikmenn
1. Melanie Claire Rendeiro
Skoraði mark Keflavíkur og það var líka litla markið! Var auk þess stöðugt að hlaupa endana á milli og ógna.
2. Sædís Rún Heiðarsdóttir
Skoraði mark Stjörnunnar beint úr horni og skapaði auk þess nokkur færi sem Stjarnan hefði átt að nýta betur en voru eins og Kristján kom inná eftir leik einstaklega óheppnar. Það var þó gæða spyrna frá Sædísi Rún sem bjargaði því sem bjarga varð.
Atvikið
Jöfnunarmark Stjörnunnar. Voru búnar að eiga færi fyrir markið en virtist ætla að vera stöngin út dagur fyrir þær í kvöld en stórkostleg hornspyrna breytti því. Kom svo flugkalli á fjær sem ég sá ekki hver átti og tryggði boltann yfir línuna en hann var líkelga kominn allur inn held ég því Stjörnustelpurnar hlupu allar til Sædísar Rúnar og fögnuðu með henni.
Hvað þýða úrslitin?
Keflavík jafnar ÍBV að stigum en situr áfram í 11.sæti á markatölu. Stjarnan færist nær liðunum fyrir ofan sig í 6.sætinu en hefðu viljað færast ennþá nær.
Vondur dagur
Það var enginn sem átti áberandi slakan dag. Færanýting Stjörnunnar átti kannski vondan dag en látum það liggja milli hluta.
Dómarinn - 7
Solid 7a frá teyminu í kvöld. Leyfði leiknum að fljóta og var ekkert að flauta of mikið. Eitt og eitt atriði sem hægt væri kannski að pikka út en ekkert sem skipti neinu máli.