Háspenna/lífshætta í lokin. KFA fer í undanúrslit

Eli Keke skallar framhjá!

Ólsarar fá horn.

Tíminn að hlaupa frá heimamönnum. Þeir hafa áður skorað flautumark í þessari keppni... Hvað gerist nú?

Markvörður KFA slær boltann yfir!

Stórhætta upp við mark KFA! Mikill hiti í mönnum og spenna í lofti.

Vice Kendes með skot hátt yfir.

Ólsarar í hörkusókn en Danny El-Hage markvörður KFA rís hæst og handsmar boltann.

Guðbjörn Smári með góða skottilraun af löngu færi sem markvörður KFA náði naumlega að slá yfir.

Björn Axel með skalla sem er varinn með tilþrifum.

Marteinn Már með skot sem breytir um stefnu af varnarmanni og fer í horn.

Markaskorarinn Ivan Morán þurfti aðhlynningu en leikurinn er kominn aftur af stað.

Mikael Nikulásson kemur sér fyrir á bekknum í seinni hálfleik. Kominn með húfu enda hefur sólin laumað sér bak við fjallið. Regla að það er alltaf kalt í seinni hálfleik á fótboltaleikjum.

Næst a dagskrá: Kaffi

Danilo Milenkovic með skot sem Gunnar Bragi ver.

Gunnar í marki heimamanna með tvær rosalegar vörslur frá KFA mönnum í dauðafærum.

Heiðar Snær með skot framhjá marki heimamanna.

Ólsarar í hættulegri sókn em móttakan svíkur Þorstein Má sem missir boltann frá sér.

Sjómennirnir sem eru í landi láta Þorvald dómara heyra það.

Mikael Nikulásson þjálfari KFA fylgist með gangi mála úr stúkunni hérna í fyrri hálfleik. Maður fólksins.

Leikurinn aðeins róast eftir fjöruga byrjun.

Blaic með skot úr aukaspyrnu af löngu færi en boltinn beint í fangið á Gunnari Braga markverði Ólsara.

Frábær fyrirgjöf frá Geir og Patrekur með marktilraun en heimamenn bjarga.

El -Hage ver.

Björn Axel fellur í teignum en Þorvaldur Árnason dómari dæmir ekkert. Björn Axel virkar gáttaður.

Danny El-Hage markvörður KFA ver frabærlega úr skallafæri. Lífleg byrjun á þessum leik.

Þorsteinn Már með skot í slá eftir skyndisókn Víkinga. Þarna opnaðist vörn KFA.

KFA byrjar vel og kemur hættulegum boltum inn í teiginn.

Gestirnir sækja í átt að sundlauginni í fyrri hálfleik.

Útlit fyrir jafnan og mjög spennandi leik!

Þessi leikur gæti farið alla leið í framlengingu og vítakeppni. Í húfi er sæti í undanúrslitum sem spiluð verða 23. september. Úrslitaleikurinn verður svo á Laugardalsvelli föstudagskvöldið 29. september.

Austfjarðarliðið er með fimm stiga forystu á toppi 2. deildarinnar, með fimm stiga forystu á Víking Ólafsvík og tvö önnur lið. Ólsarar hafa tapað þremur deildarleikjum í röð en vonast eftir því að snúa því gengi við í kvöld.

„Lífið á toppnum er ljómandi fínt," segir Unnar Ari Hansson, fyrirliði Austfjarðarliðsins KFA sem er með fimm stiga forystu á toppi 2. deildar eftir sigur í toppslag gegn Dalvík/Reyni síðasta fimmtudag. Unnar var á línunni í útvarpsþættinum Fótbolti.net á X977. „Það var sterkt að vinna þennan leik á fimmtudaginn og ná okkur í smá forystu. Eins og þeir sjá sem fylgast með þessu þá er þetta gríðarlega jöfn deild, það eru sex lið í svakalegum pakka. Það var helvíti gott að vinna þennan og ná okkur í smá andrými. Við þurfum samt að halda vel á spöðunum og klára þessa sjö leiki sem eftir eru." Fyrir aftan KFA, sem er með 31 stig í 2. deildinni, eru alls fimm lið með 26 eða 25 stig og því mjög hörð samkeppni um að komast upp. „Þetta er ótrulega spennandi, svona á þetta að vera. Þetta er skemmtilegt. Við höfum fengið fá mörk á okkur og það gerir þetta auðveldara. Við höfum líka verið að skora nóg, við viljum hafa boltann og spila blússandi sóknarbolta," segir Unnar. Þjálfari KFA er Mikael Nikulásson hlaðvarpsstjórnandi í Þungavigtinni sem er mikið í umræðunni. Hvernig er að vera með hann sem þjálfara? „Það er bara frábært. Mikki er toppmaður. Ég þekkti hann ekki neitt fyrir, maður vissi bara hver hann væri út af þessum hlaðvörpum og því. Það kom mér skemmtilega á óvart hvað hann er fínn náungi og flottur þjálfari," segir Unnar. Verð í stúkunni og styð mína menn Það er beðið með eftirvæntingu eftir leik Víkings Ólafsvík og KFA. Ólsarar hafa reyndar verið að gefa eftir í deildinni, eru með þrjá tapleiki í röð, en allt getur gerst í bikarnum. „Ekki spurning. Ég hefði viljað heimaleik og ef það er einhver útileikur sem ég hefði ekki viljað þá er það þessi. En svona er bikarinn skemmtilegur. Ég má reyndar ekki spila þennan leik sjálfur þar sem ég er í banni en ég mæti engu að síður í stúkuna og styð mína menn áfram." Aðalmarkmið KFA er að komast upp en Unnar segir að þessi bikarkeppni neðri deilda sé skemmtilegt krydd. KFA byrjaði á því að leggja Skallagrím í vítakeppni og vann svö öruggan sigur gegn Hetti/Huginn í grannaslag í 16-liða úrslitum. „Mér fannst fyrsti leikurinn eiginlega skemmtilegri. Það var sjarmi yfir honum, fara og spila á móti Skallagrími. Ég hef aldrei spilað í Borgarnesi áður og það var helvíti gaman. Það var hörkuleikur, Skallagrímsmenn eru sýnd veiði en ekki gefin. Svo fengum við þennan derby-leik við Hött með fullt af fólki í stúkunni," segir Unnar. „Svo fáum við núna verðugt verkefni í 8-liða úrslitunum, sem við ætlum svo sannarlega að klára og stefnan er sett á Laugardalsvöllinn. Það er frábær gulrót fyrir liðin að spila upp á bikar á þjóðarleikvangnum."

Þrír af fjórum leikjum í 8-liða úrslitum Fótbolti.net bikarsins, bikarkeppni neðri deilda, fara fram í kvöld. Stórleikur umferðarinnar er viðureign Víkings í Ólafsvík og KFA. þriðjudagur 8. ágúst 18:00 Víkingur Ó.-KFA (Ólafsvíkurvöllur) 18:00 Víðir-Völsungur (Nesfisk-völlurinn) 19:15 KFK-Kári (Fagrilundur - gervigras) miðvikudagur 9. ágúst 20:00 ÍH-KFG (Skessan)