Fámennt en góðmennt Það eru svona tíu áhorfendur mættir. Leikmenn klappa fyrir þeim og mér fyrir leik, takk fyrir það!

Dómarateymið Reynir Ingi Finnsson er með flautuna í dag og þeir Tomasz Piotr Zietal og Daníel Örn Arnarson eru honum til aðstoðar.
Gömul mynd af Reyni Inga

Toppaðstæður Það eru toppaðstæður og Anton Freyr Jónsson búinn að græja flotta aðstöðu til textalýsingar courtside. Hann lofaði reyndar Epla Bon Aqua og Snickers en það skolaðist eitthvað til í undirbúningnum.

Það er léttskýjað, átján gráðu hiti og svona líka blankalognið. Leikmenn eru að ganga inn til búningsherbergja og fá síðustu ræðuna fyrir leikinn.

Byrjunarlið KFK Frá sigrinum gegn Ými í 16-liða úrslitunum eru þrjár breytingar. Þeir Andy Pew, Rodrigo da Costa Dias og Matthías Hildir Pálmason koma inn fyrir þá Rúnar Frey Þórhallsson, Tómas Bjart Magnússon og Anton Inga Sigurðarson sem eru ekki með í dag.

Frá leiknum gegn Árborg í byrjun mánaðar er ein breyting. Matthías Hildir kemur inn fyrir Júlíus Óla Stefánsson sem er ekki með í dag.

Byrjunarlið Kára Andri Júl gerir þrjár breytingar á sínu liði frá liðinu sem lagði Elliða að velli í 16-liða úrslitunum. Benjamín Mehic er ekki með, Marteinn Theodórsson er farinn aftur í ÍA og Marino Hilmar Ásgeirsson er ekki heldur með.

Inn koma þeir Sverrir Mar, Fjalar Örn og Kolbeinn Tumi.

Frá sigrinum gegn Víði í síðasta deildarleik eru tvær breytingar. Marinó Hilmar er ekki með og Fylkir Jóhanns tekur sér sæti á bekknum. Hilmar Halldórsson kemur inn sem og Kolbeinn Tumi.

Búi stýrir skútunni hjá KFK - Andri Júl með Kára
Búi Vilhjálmur hefur stýrt KFK bæði tímabilin sem félagið hefur sent lið til keppni á Íslandsmótinu. Hann var þar á undan þjálfari Vængja Júpíters, KÁ, Hauka og er einnig með skráða leiki sem þjálfari Samherja, Nökkva og Magna fyrir norðan.

Andri Júlíusson er þjálfari Kára og er hann á sínu fyrsta ári sem aðalþjálfari í meistaraflokki. Hann er Skagamaður og skoraði á sínum ferli 136 mörk í 310 KSÍ leikjum.

Kári í 3. deild og KFK í 4. deild Kári er í 6. sæti 3. deildar og vann liðið öflugan 0-1 útisigur gegn Víði í síðustu umferð. Hilmar Halldórsson skoraði sigurmarkið á 89. mínútu af vítapunktinum.

KFK er í 3. sæti 4. deildar, þremur stigum á eftir toppliði Vængja Júpíters. KFK gerði jafntefli við Árborg í síðustu umferð. Lassana Drame skoraði mark KFK í leiknum.

Leikið til þrautar í kvöld Þessi leikur gæti farið alla leið í framlengingu og vítakeppni. Í húfi er sæti í undanúrslitum sem spiluð verða 23. september. Úrslitaleikurinn verður svo á Laugardalsvelli föstudagskvöldið 29. september.

Baddi Borgars spáir Baldvin Már Borgarsson, aðstoðarþjálfari Ægis og sparkspekingur með meiru, spáir í leikina.

KFK 2 - 2 Kári (3-3 framl / KFK vító)
Hér verður hiti, hér verða mörk!

Anton Freyr Geitin Jónsson, samskiptastjóri og yfirmaður knattspyrnumála hjá KFK var í Dalnum alla helgina að signa leikmenn, sýnist hann eftir stutt yfirlit á KSÍ skilað inn ca 15 mönnum, KFK menn eru vel gíraðir en það eru Káramenn líka, megnið af leikmönnum þessara liða létu þennan leik ekki eyðileggja fyrir sér helgina í Dalnum, nema Marinó Hilmar sem fór á Eina með öllu fyrir norðan.

Kári kemst yfir með marki frá Marra, enda allir aðrir leikmenn vallarins ennþá með hausinn í Herjólfsdal, við þetta vakna lærisveinar Kidda Páls sem byrjar að ausa yfir menn og rífa þá í gang, ÁstríðuSveddi reynir að læsa leiknum eins og hann gerði svo vel í Fífunni um daginn en það gengur ekki upp þar sem hann vantar mig í stúkuna svona til að impra á hlutunum fyrir ungu strákana og fá þá til að hlusta á það sem Sveddi segir eða endurtaka það fyrir þá sem heyrðu ekki.

KFK jafnar fyrir hálfleikinn, Andri Jó finnur bróðir sinn Binna Jó (eða öfugt, þekkir þá enginn í sundur hvortsemer) og sá sem fær sendinguna frá hinum skorar.

Andri Júl heldur þrumuræðu í hálfleik enda mættur í KiddaPálslundinn til að vinna eins og alla aðra leiki, Sveddi apar upp annaðhvert orð eftir frænda sínum og reynir að gíra menn en það gengur svona þveröfugt og KFK kemur sterkara út í seinni, Patti Búaþjálfarason sendir frábæra fyrirgjöf á fjær þar sem einn af þessum 15 nýju leikmönnum mætir og kemur KFK yfir, erfitt að sjá hvaða nýji leikmaður mun skora þeir eru svo margir, en skráum þetta bara á Marcis Melecis, það hljómar líklegt…

Við þetta tjúllast fyrirliði Kára (Sveddi) eðlilega, Sveddi kallar menn saman eins og Zinchenko gerði svo frægt í vor nema það virkar hjá Sveddanum enda meiri karakter og fyrirliði en Arsenalmaðurinn, Káramenn taka yfir leikinn við þetta og Pulli Jó fær að snerta völlinn síðustu 20, hann þakkar traustið og jafnar leikinn með einhverju skrípamarki, allt sýður upp úr og Reynir Ingi Finnsson þarf að fara að rífa upp spjöldin, Anton Freyr Geitin Jónsson reynir að stilla til friðar þar sem Andri Júl nær að espa Búa, Eyþór Birgis og Kidda svakalega upp, Eyþór og Andri fá báðir rautt og samskiptastjórinn lendir í bullandi vandræðum með tökin á bekknum en rífur Kidda úr aðstæðunum enda sá maður búinn að greiða KSÍ of mikið í sektarkostnað á liðsstjórn síðustu árin.

Framlengingin byrjar með látum, Andri Jó fer að finna fyrir brekkunni og missir sig í eina breska tæklingu sem uppsker sanngjarnt rautt spjald, Sveddi tryllist auðvitað enda alvöru fyrirliði að vernda sína menn en fer yfir strikið og fær gult, Kári kemst í 3-2 manni fleiri, Hilmar Halldórs prjónar sig upp kantinn og sendir fyrir á Fjalar sem kixar boltann í fjærhornið og inn lekur hann, Ingvi Alberts kemur svo inná fljótlega eftir markið og setur Svedda í vesen í vörninni sem missir Ingva í gegn, brýtur á honum innan teigs og fær þar seinna gula, jafnt í liðum og Hubert klárar vítið fagmannlega.

KFK klárar leikinn svo í vító þar sem ungir Káramenn fara algjörlega á taugum Sveddalausir þarna og klúðra þremur spyrnum.

Leiðin í 8-liða úrslitin 32 liða úrslitin:
Árbær 3 - 6 KFK
(Brynjar Jónasson x2
Sigurður Orri Magnússon
Tómas Bjartur Björnsson
Aitor Abella Sanchez
Álvaro Ivorra Ronda)
KF 1 - 4 Kári
(Guðfinnur Þór Leósson
Marteinn Theodórsson
Hilmar Elís Hilmarsson
Gabriel Þór Þórðarson)

16-liða úrslitin
KFK 2 - 1 Ýmir
(Andri Jónasson)
Stefán Ómar Magnússon)
Elliði 1 - 4 Kári
(Marinó Hilmar Ásgeirsson x2
Guðfinnur Þór Leósson
Gabriel Þór Þórðarson)

8-liða úrslit í Fagralundi Góða kvöldið lesendur góðir og veriði velkomnir í beina textalýsingu frá leik KFK og Kára í 8-liða úrslitum Fótbolti.net bikarsins.

Leikið er í Fagralundi í Kópavogi og má sjá eina gamla og góða mynd af svæðinu hér fyrir neðan. Myndin var tekin í mars 2012 og var það enginn annar en vallarstjórinn geðþekki Magnús Valur Böðvarsson sem tók myndina.