SKÝRSLAN: Leiknir sigrar í Breiðholtinu
Hvað réði úrslitum?
Virkilega kaflaskiptur leikur í dag. Bæði lið sýndu fína spilamennsku en það voru heimamenn sem fengu fleirri færi í kvöld. Leiknir betri aðilinn í fyrri hálfleiknum en náðu ekki að setja boltann í netið. Seinni hálfleikurinn var mikil skemmtun og kom þarna tíu mínútna kafli með þremur mörkum.
Bestu leikmenn
1. Róbert Quental
Róbert Quental var frábær á hægri kantinum í dag! Róbert var alls óhræddur við að taka á mönnum og prjónaði sig margoft í gegnum vörn gestanna. Róbert skoraði fyrsta mark leiksins með geggjuðu skoti fyrir utan teig.
2. Rafal Stefán
Kannski smá skrýtið að setja markmann sem að fékk á sig tvö mörk sem næst besta leikmann kvöldsins en Rafal vann sér svo sannarlega fyrir laununum sínum í kvöld. Rafal átti hellling af góðum vörslum og kom í veg fyrir nokkur mörk.
Atvikið
Atvikið myndi vera þegar að allt sauð upp úr rétt fyrir hálfleik. Leikmaður Leiknis braut gróflega á Tómasi og varð mikill kýtingur við það. Leikmenn vorru lengi að róast niður og ringdi svo gulum spjöldum í kjölfarið.
Hvað þýða úrslitin?
Leiknir fer upp í 26 stig eftir sigurinn í dag, og er ennþá í 4. sætinu.
Ekkert breytist hjá Gróttu er þeir eru enn í 6. sæti og með 23 stig.
Vondur dagur
Það er mjög erfitt að velja einnhvern sem átti vondan dag í kvöld.
Dómarinn - 5,5
Aðalbjörn Heiðar var bara fínn í fyrri hálfleiknum en hafði ekki nógu góða stjórn á leiknum í seinni. Aðalbjörn dæmdi að manni fannst ekki á mjög augljós brot og var svo einnig eitt atvik í seinni hálfleiknum þar sem að Róbert Hauksson var við það að sleppa í gegn en var brotið á honum. Aðalbjörn gaf hins vegar Gróttu boltann.