SKÝRSLAN: HK með nauman sigur í Frostaskjólinu
Hvað réði úrslitum?
KR kom mér skemmtilega á óvart í kvöld. Þær voru þraulskipulagðar og voru að valda HK töluverðum erfiðleikum. KR skoraði snemma leiks og héldu forystunni alveg fram á 54. mínútu. HK er hins vegar gæða lið og skoraði þrjú frábær mörk. HK einokaði boltann í fyrri hálfleiknum og hálf ótrúlegt að gestirnir hafi ekki skorað í fyrri.
Bestu leikmenn
1. Brookelynn Paige Entz
Brookelynn var enn og aftur frábær í kvöld. Geggjaður leikmaður sem að stjórnaði miðjunni í kvöld. Hún var sókndjörf og hún og Emily voru geggjaðar á miðjunni. Brookelynn skoraði einnig gott mark í seinni hálfleiknum.
2. Emily Sands
Emily, eins og Brookelynn, var geggjuð á miðjunni. Stjórnaði leiknum vel og skoraði jöfnunarmark HK með geggjuðu skoti fyrir utan teig. Ætla einnig að nefna Bergljótu í markinu hjá KR. Hún hafði helling að gera og stóð sig með glæsibrag.
Atvikið
Atvikið myndi vera, óbeina aukaspyrnan í seinni hálfleik. Alltaf gaman að fá óbeina aukaspyrnu
Hvað þýða úrslitin?
HK er enn í þriðja sætinu og enn jöfn Fylki að stigum. Útlitið hjá KR er nú orðið ansi svart. KR er nú komið í þá stöðu að þær þurfa að rústa öllum leikjunum sem eftir eru og vonast til þes að FHL tapi sínum leikjum.
Vondur dagur
Ekki nein sem átti áberandi slæman leik í kvöld. Mjög jafn og spennandi leikur og virkilega erfitt að velja
Dómarinn - 5,5
Tadej Venta bara ágætur í kvöld. Slatti af dómum sem mér fannst vera skrýtnir og aðstoðardómararnir stundum með áhugaverðar rangstæðuákvarðanir en heilt yfir var tríóið bara fínt í kvöld.