+4 Þetta er búið! Breiðablik vinnur sinn fyrsta leik síðan 7. ágúst! Skýrsla og viðtöl koma inn síðar í dag, takk fyrir samfylgdina!

+4 Hafrún Rakel gerir vel í að halda boltanum upp við hornfána Stjörnunnar. Hleypa Stjörnukonum ekki ofar á völlinn.

+2 Blikar eru að sigla þessu heim. Þær eru bara að reyna að halda í boltann eins og þær geta.

Erum komin uppbótartíma, það eru að minnsta kosti 4 mínútur sem við fáum.

Málfríður brýtur á Hafrúnu Rakel ofarlega á vellinum. Blikar fá aukaspyrnu á góðum stað.

Andrea Rut með fyrirgjöf en Linli Tu nær ekki til boltans.

Jasmín reynir skot sem fer beint í hendurnar á Telmu.

Stjarnan með skiptingu yfir til hægri á Eyrúnu Emblu sem nær að halda boltanum og koma skoti á markið en Telma er vel á verði og ver frá henni.

Agla María lyftir boltanum í gegn á Linli Tu sem er flögguð rangstæð.

Stjarnan fær aukaspyrnu í góðri fyrirgjafarstöðu á miðjum vallarhelmingi Blika. Andrea lyfir boltanum inn á teiginn og Gunnhildur Yrsa nær skallanum en yfir markið fer boltinn.

Heiða reynir sendingu í gegn á Betsy en Valgerður gerir vel og stígur hana út.

Stjarnan er áfram að sækja og reyna að finna opnanir á vörn Blika en ekkert gengur.

Erin er staðin á fætur og leikurinn farinn aftur af stað.

Katrín þræðir boltanum í gegn á Linli Tu en flaggið fer á loft. Linli keyrir af fullum krafti á Erin sem er komin vel út úr markinu. Erin steinliggur eftir og fær aðhlynningu.

Blikar færa sig aftar og aftar á völlinn og eru komnar í hálfgerða nauðvörn þessa stundina. Stjarnan sækir og Blikar hreinsa frá er svolítið gangur leiksins.

Sædís og Andrea tæta upp Blikavörnina og Sædís kemur svo með boltann inn í teig á Jasmín sem hittir ekki markið.

Stjarnan fær horn. Sædís setur boltann inn á miðjan teiginn og Hulda Hrund nær skoti á markið sem Telma ver vel í horn. Þetta var dauðafæri!

Það er nokkuð rólegt yfir þessum leik, Stjarnan að mestu leyti með boltann en Breiðablikskonur eru skipulagðar og þéttar til baka.

Hafrún Rakel virðist fá högg aftan á hnakkann eftir samstuð við Huldu Hrund. Leikurinn stöðvaður í stutta stund en hún þiggur ekki aðhlynningu og virðist vera klár að halda áfram.

Sædís sækir hornspyrnu fyrir Stjörnuna. Það er þéttur pakki fyrir framan Telmu og allskonar vandræði í teignum áður en Blikar koma þessu frá markinu.

Betsy heldur áfram að fá pláss hægra megin og dæla fyrirgjöfum en í þetta skiptið kemst Toni fyrir boltann og Blikar ná að hreinsa.

Betsy með fyrirgjöf á fjær þar sem Sædís er mætt en hún nær ekki almennilega til boltans.

Stjarnan fær aftur aukspyrnu á svipuðum stað og áðan. Blikar koma þessu svo frá.

Stjarnan fær aukaspyrnu í góðri fyrirgjafarstöðu vinstra megin á vellinum. Telma kemur út og virtist ætla að grípa boltann örugglega en hún missir hann frá sér, varnarmenn Blika koma þessu frá.

Viktoría París gerir vel að koma sér í skot fyrir utan teig en skotið er rétt yfir markið! Fínasta tilraun.

Engar skiptingar í hálfleik.

Það er kominn hálfleikur á Kópavogsvelli þar sem Blikar leiða 1-0 eftir að hafa legið til baka nánast allan leikinn!

+2 Blikar sækja hornspyrnu.

+1 Gunnhildur lætur vaða af löngu færi en skotið fer yfir markið.

Blikar fá hornspyrnu. Katrín nálægt því að ná til boltans en Erin gerir vel og slær boltann út. Valgerður lætur svo vaða fyrir utan teig og Erin ver. Fyrsta skot Blika á markið í leiknum og þeirra fyrsta hornspyrna.

Betsy reynir skot en Clara gerir vel og rennir sér fyrir og Stjarnan fær horn. Toni skallar hornið aftur fyrir og Stjarnan fær aðra hornspyrnu.

Það er farið að hellirigna hér í Kópavogi.

Blikar að byggja upp fína sókn og Agla María reynir fyrirgjöf sem Fríða hreinsar frá.

Stjarnan fær hornspyrnu. Sædís röltir yfir til að taka hana.

Þetta heldur áfram að vera rólegt og mjög passíft.

Gunnhildur reynir fyrirgjöf en boltinn fer beint í fangið á Telmu.

Úfff. Betsy nær að koma fætinum inn í sendingu frá Telmu en boltinn fer aftur fyrir markið sem betur fer fyrir Telmu og Breiðablik.

Stjarnan með yfirhöndina og leikurinn hefur að mestu farið fram á vallarhelmingi Blika sem hafa þó varist vel. Stjarnan ekki að ná að skapa nein opin færi.

Sædís Rún reynir fyrirgjöf á fjær þar sem Betsy er stödd en of fastur bolti sem fer aftur fyrir.

Andrea Mist reynir að lyfta boltann inn á teig í hlaupið hjá Gunnhildi Yrsu en Toni nær að koma tánni í boltann og hann endar í fanginu á Telmu.

Valgerður Ósk færir sig niður í vinstri bakvörð og Viktoría París kemur inn á miðjuna.

Váá þvílík varsla! Betsy fær svakalegt pláss til að athafna sig og koma sér í skot, hún lætur vaða frá vítagslínunni og snýr boltann á fjær en Telma kemur með alvöru sjónvarpsvörslu! Stjarnan á horn.

Þá fer leikurinn aftur af stað, það er ljóst að Vigdís Lilja hefur lokið leik. Vonum að hún sé ekki alvarlega meidd. Sýnist Linli Tu vera að gera sig klára að koma inn á.

Arna Dís og Vigdís Lilja lenda hér í slæmum árekstri. Langur bolti frá Telmu og þær eru báðar að horfa áboltann en Arna Dís keyrir Vigdísi hressilega niður. Vigdís steinliggur og fær aðhlynningu. Arnar Þór dómari dæmdi ekkert og boltinn fór útaf, Stjarnan á innkast. Stuðningsmenn Breiðabliks láta vel í sér heyra og vilja fá rautt spjald.

Arna Dís reynir að skipta yfir á Huldu Hrund sem er með mikið pláss vinstra megin, en Telma kemur út og hreinsar.

Þetta fer rólega af stað, bæði lið að reyna að byggja upp sóknir en lítið að ganga upp.

Gunnhildur Yrsa fær boltann upp í horn, reynir fyrirgjöf sem fer af Toni og útaf, Stjarnan fær hornspyrnu.

Gunnhildur Yrsa reynir að stinga sér í gegn en Toni er sterk og stígur hana út.

Blikar hefja þennan leik og sækja í átt að Sporthúsinu.

Blikar gera tvær breytingar á byrjunarliði sínu frá tapinu gegn Þór/KA. Vigdís Lilja og Hrafnhildur Ása koma inn í liðið, Linli Tu sest á bekkinn og Taylor Ziemer er farin til FC Twente. Kristján gerir eina breytingu frá sigrinum á Val, Hulda Hrund kemur inn fyrir Gyðu Kristínu.

Taylor Ziemer seld til FC Twente https://t.co/Kct66KMo4B

— Blikar.is_kvk (@blikar_is_kvk) September 15, 2023

Taylor hefur verið einn af lykilleikmönnum Blika síðustu tímabil. Blikar misstu einnig á dögunum Bergþóru Sól Ásmundsdóttur til Örebro.

Elízu Gígja Ómarsdóttir, leikmaður Víkings og fréttaritari Fótbolta.net, spáði í umferðina og hafði þetta að segja um þennan leik: Breiðablik 0 - 2 Stjarnan Heitasta lið landsins um þessar mundir mætir því liði sem hefur verið að brasa hvað mest. Þetta er risastór leikur í baráttunni um annað sætið og alveg hægt að færa rök fyrir því að þetta sé síðasti séns fyrir Blika að rífa sig í gang. Stjörnuvélin heldur áfram að malla í þessum leik og þær setja tvö. Andrea Mist heldur áfram að skora og Sædís Rún setur screamer.

Dómari: Arnar Þór Stefánsson AD1: Guðmundur Valgeirsson AD2: Daníel Ingi Þórisson Varadómari: Þórður Arnar Árnason Eftirlitsmaður KSÍ: Jón Sveinsson

Breiðablik og Stjarnan hafa mæst þrisvar í sumar, tvisvar í deild og í undanúrslitum í bikar. Fyrst mættust liðin 7. júní á Kópavogsvelli í fyrri umferð Bestu deildarinnar. Leiknum lauk með 1-1 jafntefli, Andrea Mist kom Stjörnunni yfir á 60. mínútu og Málfríður Erna varð svo fyrir því óláni að setja boltann í eigið net á 71. mínútu. Næst mættust liðin í undanúrslitum í Mjólkubikarnum á Samsungvellinum þann 1. júlí. 1-1 var staðan eftir venjulegan leiktíma en þar skoruðu Betsy og Birta Georgs. Andrea Mist og Hafrún Rakel settu mörk í framlengingunni og var staðan því 2-2. Þá var komið að vítakeppni þar sem Breiðablik hafði betur 4-1. Í þriðja skiptið mættust liðin 16. ágúst á Samsungvellinum í seinni umferð Bestu deildarinnar og vann Stjarnan þar 4-2 sigur. Stjarnan komst í 3-0 með mörkum frá Huldu Hrund, Gunnhildi Yrsu og Jasmín Erlu en blikar klóruðu í bakkann og náðu að minnka muninn í 3-2 með mörkum frá Andreu Rut og Öglu Maríu. Andrea Mist innsiglaði svo 4-2 sigur Stjörnunnar með marki í uppbótartíma.

Það má segja að Stjarnan sé heitasta landið um þessar mundir en þær hafa unnið 5 deildarleiki í röð og koma inn í þennan leik eftir 1-0 sigur á Íslandsmeisturum Vals. Þessi sigurganga hófst einmitt með 4-2 sigri á Blikum þann 16. ágúst. Það hefur ekkert gengið hjá Breiðablik síðan þær töpuðu gegn Víking í bikarúrslitunum, en fyrir þann leik voru Blikar á toppi Bestu deildarinnar. Síðasti sigurleikur Blika kom þann 7. ágúst. Fimm deildarleikir án sigurs og búnar að missa af tveimur titlum. Í síðustu umferð fóru þær norður og töpuðu 3-2 fyirr Þór/KA. Það er hins vegar Evrópusæti í húfi og baráttan um það er gríðarleg. Þær þurfa nauðsynlega að ná í sigur hér í dag.

Með sigri á Val í síðustu umferð lyfti Stjarnan sér upp fyrir Blika í töflunni sem hafa verið í miklu brasi undanfarið. 1. Valur - 45 stig 2. Stjarnan - 35 stig 3. Breiðablik - 34 stig 4. Þróttur R. - 34 stig 5. Þór/KA - 32 stig 6. FH - 28 stig Heil umferð er spiluð í efri hlutanum í dag kl. 14:00. 14:00 Breiðablik-Stjarnan (Kópavogsvöllur) 14:00 Þróttur R.-Þór/KA (AVIS völlurinn) 14:00 Valur-FH (Origo völlurinn)

Verið velkomin lesendur góðir í beina textalýsingu frá Kópavogsvelli þar sem Breiðablik og Stjarnan mætast í baráttunni um 2. sætið í Bestu deild kvenna.