SKÝRSLAN: Aftur vinnur FH 2-0 á Kópavogsvelli
Hvað réði úrslitum?
Þetta var framan af jafn leikur og bæði lið fengu sín færi. Það var mikil harka í leiknum og var Erlingur dómari duglegur að spjalda menn. FH-ingar fannst mér voru harðari af sér og var mikil liðsheild hjá þeim. Breiðablik átti oft á tíðum erfitt með að finna glufur í vörn FH. Bæði mörk FH-inga komu eftir mistök Breiðabliks. Fyrra markið lagði Viktor Örn nánast upp á Davíð Snæ. Í seinna markinu leit Anton Ari ekki vel út, eftir að Höskuldur missti boltann á hættulegum stað.
Bestu leikmenn
1. Davíð Snær Jóhannsson
Davíð geggjaður í leiknum, pressaði stíft þegar Breiðablik var með boltann og aðalmaður FH í sóknarleik liðsins.
2. Ástbjörn Þórðarson
Ástbjörn mjög góður í dag, varðist mjög vel í hægri bakverðinum og átti mjög stóran þátt í öðru marki FH.
Atvikið
Það átti sér stað mjög óhugnanlegt atvik er Anton Ari og Kjartan Kári skullu saman eftir um 30 mínútna leik og lá Kjartan eftir. Líklegt er að um hálsmeiðsli sé að ræða en Kjartan var með meðvitund þegar hann var fluttur af velli en var settur í kraga.
Hringja þurfti á sjúkrabíl og var mikil töf á leiknum vegna þess.
Hvað þýða úrslitin?
FH er í harðri Evrópubaráttu og eru nú í 4. sæti deildarinnar.
Breiðablik er enn í 3. sæti en þeir þurfa að fara gefa í ef þeir ætla að halda sér í Evrópusæti.
Vondur dagur
Viktor Örn Margeirsson á fyrra mark leiksins með húr og hári. Viktor á óþarfa brot á Kjartan Henry og úr þeirri aukaspyrnu kemur boltinn í teiginn þar sem Viktor ætlar að hreinsa en gefur boltann beint á Davíð Snæ sem skoraði af stuttu færi.
Dómarinn - 5
Erlendur og aðstoðarmenn hans höfðu nóg að gera en þeir hafa átt betri daga að mínu mati. Mér fannst nokkrir dómar hjá þeim alveg kolrangir. Veit ekki með hvort að Anton Ari hafi átt að fá rautt spjald í umræddu atviki. Fyrir mér bara samstuð með slæmum afleiðingum en dæmi hver fyrir sig.