Kaflaskiptur leikur en liðið sýndi karakter með því að ná að minnka muninn í eitt mark eftir að hafa lent þremur mörkum undir. Blikar voru þó í raun aldrei nálægt því að finna jöfnunarmarkið. Zorya og Gent gerðu 1-1 jafntefli í hinum leik riðilsins.

Robbie Keane stressaður á hliðarlínunni. Bendir á höfuðið, skilaboðin á hans menn að halda haus og landa þessu.

Blikar í álitlegri skyndisókn en Viktor Karl nær ekki að koma boltanum á Ágúst Hlyns sem var í hættulegu hlaupi.

Milson með fast skot sem Anton ver en missir boltann frá sér, Damir kemur svo boltanum afturfyrir.

Maccabi fær hornspyrnu. Ekkert sem bendir til þess að Breiðablik nái að jafna. Leikurinn fer algjörlega fram á vallarhelmingi Blika og langt síðan Kópavogsliðið náði að komast í álitlega stöðu sóknarlega.

Klæmint Olsen í baráttunni en flaggið á loft, rangstaða.

Blikum gengur illa að halda boltanum þessa stundina, eru ekki að ná að koma sér á síðasta þriðjung.

Önnur hornspyrna sem Maccabi fær. Klæmint Olsen skallar boltann afturfyrir. Hornspyrnan beint á Oliver sem setur boltann upp í loftið. Sókn Maccabi heldur áfram.

Zahavi með skot sem fer í Damir og afturfyrir. Hornspyrna sem heimamenn fá.

Maccabi í smá vandræðum með pressu Blika. Það er alvöru spenna hér á lokakafla leiksins. Þessum sögulega leik fyrir íslenskan fótbolta.

Blikar fá hornspyrnu. Höskuldur með spyrnuna. Maccabi menn ná að skalla boltann í burtu.

Cohen með fyrirgjöf sem breytir um stefnu af Davíð Ingvars og endar svo í lúkunum á Antoni Ara.

Maccabi að stýra ferðinni núna. Aftur komnir með undirtökin.

Cohen með fyrirgjöf en Damir réttur maður á réttum stað og hreinsar frá. Stuttu seinna kemur svo skot frá Zahavi af löngu færi en Anton Ari með allt á hreinu og ver.

Eran Zahavi með skot framhjá.

Klæmint Olsen lét vaða úr nokkuð þröngu færi og Mishpati varði af öryggi.

Ekki sáttur með þróunina. Heimamenn hafa haldið að þeir gætu bara tekið þetta 'með vinstri' í þessari stöðu.

Leikurinn stopp og þá nær Gísli í skóinn og klæðir sig í hann. Spaugilegt atvik.

Gísli Eyjólfsson er orðinn skólaus á vinstri fæti. Skórinn bara liggur á grasinu en Gísli heldur leik áfram!

Höskuldur Gunnlaugsson tekur skot langt fyrir utan teig en í varnarmann. Var með kosti sitthvorum megin við sig.

Hættuleg sókn Blika. Gísli Eyjólfs gerir vel, leggur boltann út en á síðustu stundu ná heimamenn að koma boltanum frá. Blikar að komast hérna í flottar stöður og það er svo sannarlega tækifæri til að minnka muninn enn frekar.

Felício Milson með skot en Anton Ari fór í gott úthlaup og lokaði á hann, varði.

Höskuldur með aukaspyrnu inn í teiginn en Mishpati kemur af línunni og handsamar boltann.

Alexander Helgi lendir illa, fær högg á síðuna. Fljótur að standa á fætur og heldur leik áfram. Einn af sjö uppöldum Blikum í byrjunarliðinu.

Klæmint Olsen krækir í aukaspyrnu og Breiðablik fær tækifæri á fyrirgjöf frá vinstri. Alexander Helgi með spyrnuna. Kemur boltanum í teiginn en heimamenn koma boltanum frá, Alexander brýtur svo af sér til að koma í veg fyrir skyndisókn.

Engar breytingar í hálfleik.

Baldur Sigurðsson, sérfræðingur á Stöð 2 Sport, talar um að Breiðablik hafi verið að klikka á grundvallaratriðum í fyrri hálfleik. Albert Brynjar Ingason talar um að Blikar séu oft að komast í góðar stöður en taka rangar ákvarðanir. Athygli hefur vakið að Anton Logi Lúðvíksson er að spila sem hægri bakvörður. Albert talar um að Anton hafi verið í brasi og gæti trúað því að hann verði tekinn af velli. Þetta upplegg Óskars Hrafns sé að klikka og hann þurfi að bregðast við því.

Með boltann: 61% - 39% Marktilraunir: 9-6 Hornspyrnur: 2-1 Rangstöður: 2-0 Sendingar: 244-171

Dor Peretz skallar yfir eftir aukaspyrnu. Það síðasta sem við sjáum í þessum fyrri hálfleik.

Stór hluti áhorfenda kominn úr að ofan enda hiti í Tel Aviv.

Anton Ari getur haldið leik áfram.

Hætta á ferðum við mark Breiðabliks en búið að flagga rangstöðu. Leikmaður Maccabi lendir á Antoni Ara markverði Breiðabliks sem kennir sér meins og þarf aðhlynningu.

Gísli Eyjólfs óhræddur við að láta vaða, tekur skot hátt yfir.

Skemmtileg tilraun. Gísli fær boltann í teignum og tekur bakfallsspyrnu en skotið endar í fanginu á Mishpati í mark heimamanna.

Fyrirgjöf frá vinstri frá Maccabi en Viktor Örn kemur boltanum frá.

Breiðablik fær sína fyrstu hornspyrnu. Höskuldur fyrirliði sér um að taka spyrnuna en Blikar ná ekki að gera sér mat úr henni.

Úfff... Zahavi í markteignum og fær hörkufæri til að skora þriðja mark Maccabi. Eftir flotta byrjun Blika eru heimamenn búnir að taka gjörsamlega öll völd á þessum leik.

Nir Bitton með skot í hliðarnetið.

Yvann Macon sem skoraði markið er bakvörður og alls ekki mikill markaskorari. Hann er á láni frá franska liðinu Saint-Etienne en þar hefur hann skorað fjögur mörk í 42 leikjum. Þetta mark hjá honum var svakalegt! Hann gerir þetta ekki aftur á lífsleiðinni.

Jason Daði með frábæran sprett en er of lengi að gefa boltann frá sér, skömmu síðar tekur Gísli Eyjólfs skot en varnarmaður kemst fyrir.

Dan Biton með hornspyrnu fyrir Maccabi. Boltinn á Jason Daða og afturfyrir. Annað horn.

Gísli Eyjólfsson með flott hlaup, skilur leikmann Maccabi eftir, sendir á Kristin Steindórsson sem framlengir á Jason Daða sem leitar inn. Jason Daði með skot en varnarmaður kemst fyrir.

Maccabi í sókninni en brotið á Andra Yeoman í teignum. Aukaspyrna.

Gísli Eyjólfs tekur skotið fyrir utan D-bogann en hittir boltann ekkert sérstaklega og skotið töluvert framhjá.

Kristinn Steindórsson með fyrirgjöf, reynir að finna Klæmint Olsen en varnarmaður Maccabi kemur boltanum frá.

Maccabi að spila boltanum á milli sín en pressan flott hjá Blikum í upphafi. Gísli Eyjólfs að láta menn hafa fyrir hlutunum.

Fyrir leikinn var stutt minningarathöfn fyrir þá sem týndu lífi í hamförunum í Marokkó og Líbíu.

Breiðablik þarf að hafa góðar gætur á Eran Zahavi sem er helsti markaskorari Maccabi liðsins. Þessi 36 ára sóknarleikmaður er feikilega vinsæll í Ísrael enda markahæsti leikmaður landsins frá upphafi, með 33 mörk í 70 leikjum. Landsliðsskórnir eru farnir á hilluna en hann er svo sannarlega ekki hættur að skora og er með 22 mörk í 34 leikjum síðan hann kom aftur í raðir Maccabi frá PSV Eindhoven í Hollandi. Alvöru markaskorari!

Ágætis stemning hér í Tel Aviv og liðin enn að hita upp pic.twitter.com/pKa47ueHJ0

— Aron Guðmundsson (@ronnigudmunds) September 21, 2023

fimmtudagur 21. september 19:00 Maccabi Tel Aviv - Breiðablik fimmtudagur 5. október 16:45 Breiðablik - Zorya Luhansk fimmtudagur 26. október 16:45 Gent - Breiðablik fimmtudagur 9. nóvember 20:00 Breiðablik - Gent fimmtudagur 30. nóvember 20:00 Breiðablik - Maccabi Tel Aviv fimmtudagur 14. desember 20:00 Zorya Luhansk - Breiðablik Heimaleikir Breiðabliks verða spilaðir á Laugardalsvelli.

Byrjunarliðið hjá Blikum gegn Maccabi Tel Aviv????#eittfyrirklúbbinn pic.twitter.com/5IE4Ch65Py

— Blikar.is (@blikar_is) September 21, 2023

@damirmuminovic var spurður út í sóknarmenn Maccabi Tel Aviv FC og tilfinninguna að ná því að vera fyrsta íslenska karlaliðið sem kemst í riðlakeppninni í Evrópu? pic.twitter.com/2nfNOLVzEs

— Breiðablik FC (@BreidablikFC) September 21, 2023

@gislieyjolfs11 í viðtali fyrir leik kvöldsins, við spurðum hann út í hans upplifun af Tel Aviv og hvernig honum líður með að mæta á Bloomfield stadium í kvöld? pic.twitter.com/8gk0KXLQyU

— Breiðablik FC (@BreidablikFC) September 21, 2023

Ég skoðaði til gamans stuðlana hjá einni þekktustu veðmálasíðunni. Þar er stuðullinn 1,14 á sigur Maccabi - 8,0 á jafntefli - 19,0 á sigur Breiðabliks. Líkurnar á því að Breiðablik fái eitthvað úr þessum leik eru ansi litlar, en miði er möguleiki!

„Það eru ekki mörg lið sem fá tækifæri til að skrifa söguna á þennan hátt og gera eitthvað sem hefur aldrei verið afrekað áður. Að ryðja brautina og vera hluti af hóp sem afrekar þetta í fyrsta sinn í sögu íslensks fótbolta er ótrúlega verðmætt. Þetta verður örugglega frábær saga til að segja barnabörnunum," segir Höskuldur Gunnlaugsson, fyrirliði Breiðabliks. Höskuldur: Verður örugglega frábær saga til að segja barnabörnunum

„Aðstæður eru mjög góðar, við erum á frábæru hóteli, 30 gráður, sól og ótrúlega næs," sagði Oliver Sigurjónsson við Fótbolta.net. Leikurinn fer fram klukkan tíu, 22:00, á ísraelskum tíma. Er það eitthvað truflandi? „Nei, það var mjög vel gert hjá þjálfurunum að leggja þetta þannig upp að við breytum ekki út frá íslenskum tíma á meðan við erum hér. Við erum ekkert búnir að snúa klukkunni, tókum af sjálfkrafa tímastillingu á símunum og erum bara á íslenskum tíma." „Þannig þetta verður bara leikur klukkan 19:00 fyrir okkur. Við borðuðum morgunmat klukkan 12 á staðartíma sem er bara klukkan 9 heima. Ég held að það sé sniðug nálgun. Að spila klukkan 22 er ótrúlega skrítið en við erum í rauninni að spila klukkan 19." Fóru vel yfir málin eftir síðasta leik Hvernig er stemningin í hópnum að fara inn í þennan leik? Breiðablik er að prófa eitthvað alveg nýtt og spennandi en liðið fer inn í þennan leik eftir tvö töp í röð í Bestu deildinni. Er hægt að ýta því alveg til hliðar? „Við leikmenn og þjálfarar spjölluðum vel saman eftir síðasta leik og það er ekkert mál að snúa sér að einhverju öðru verkefni núna. Eins og gefur að skilja þá fer maður í alla leiki til að ná góðri frammistöðu og vinna. Það er eitthvað sem við munum 100% reyna gera í leiknum." Smelltu hér til að lesa viðtalið í heild sinni

„Við ætlum okkur að gera eins vel og nokkur kostur er. Við þurfum að mæta öflugir, hugrakkir og með kassann úti. Við megum alls ekki vera litlir í okkur. Við þurfum að finna þennan sameiginlega streng sem er ástæðan fyrir því að við séum í þessu," sagði Óskar Hrafn Þorvaldsson þjálfari Breiðabliks við Fótbolta.net um þennan leik. Blikum hefur gengið illa í deildinni heima fyrir en Óskar vonast til þess að liðið sýni aðra hlið á sér í leiknum í kvöld.

Stjóri Maccabi Tel Aviv er kunnur kappi, Robbie Keane sem raðaði inn mörkum fyrir Tottenham og írska landsliðið á sínum tíma. Hann kom víða við á sínum ferli og lék meðal annars fyrir Inter, Leeds og Liverpool. Sjá einnig: Ekkert vanmat hjá Robbie Keane: Vitum að Blikar verða erfiðir

Íslenski sóknarmaðurinn lék með Maccabi 2016–2018 og skoraði 32 mörk í 63 leikjum.

Vitalijs Spasjonnikovs frá Lettlandi og hans aðstoðarmenn sjá um dómgæsluna í þessum leik. Spánverjar sjá um VAR dómgæsluna en myndbandsdómari er Carlos del Cerro Grande, hann var aðaldómari í úrslitaleik Fiorentina og West Ham í Sambandsdeildinni á síðasta tímabili.

Leikið er á Bloomfield leikvangnum sem tekur tæplega 30 þúsund áhorfendur. Það verður um 27 gráðu hiti þegar flautað verður til leiks.

Stofnað árið 1906 sem HaRishon Le Zion-Yafo, Maccabi Tel Aviv er elsta og stærsta knattspyrnufélag Ísraels. Með stofnun Tel Aviv borgar árið 1909 breytti klúbburinn nafni sínu í Maccabi Tel Aviv. Árið 1922 urðu þeir fyrsta knattspyrnufélag gyðinga til að taka þátt í knattspyrnumótum. Merking nafnsins Maccabi - "Hver er eins og þú meðal guðanna" - er óaðskiljanlegur hluti af karakter liðsins, sem tók Davíðsstjörnuna sem merki sitt sem tákn gyðinga. Nafn klúbbsins og gildi þess tekur mið af sögur Ísraels. Klúbburinn er nefndur eftir Maccabis, fornum uppreisnarher gyðinga, sem varð tákn um tilvistarbaráttu gyðinga í meira en 2000 ár. Maccabi andinn byggir á gildum um ágæti, tryggð og vilja til að ná árangri. Maccabi Tel Aviv hefur unnið fleiri titla en nokkurt annað ísraelskt félag, unnið 24 deildarmeistaratitla (18 eftir sjálfstæði Ísraels), 24 bikarmeistaratitla (18 eftir sjálfstæði Ísraels), tvo asíska félagsbikara og sjö Toto bikara. Maccabi Tel Aviv fjárfestir mikið í þróun og ræktun ungs knattspyrnufólks. Unglingadeild félagsins starfrækir fótboltaakademíur á þremur stöðum á Tel Aviv svæðinu og vinnur með yfir 750 börnum á aldrinum 5-17 ára. Þá rekur félagið 19 unglingalið með 400 leikmönnum á aldrinum 8 til 19 ára. Þessi lið spila bæði á Tel Aviv svæðinu og á landsvísu. Sjá upphitun blikar.is

Fyrsti leikur Breiðabliks í Sambandsdeildinni er framundan, viðureign gegn Maccabi Tel Aviv í Ísrael. Á sama tíma fer fram viðureign milli hinna liða riðilsins; Zorya Luhansk og Gent. Stöð 2 Sport sýnir leiki Breiðabliks í Sambandsdeildinni.