SKÝRSLAN: Breiðablik hársbreidd frá fyrsta stiginu
Hvað réði úrslitum?
Breiðablik spilaði á löngum köflum vel og þetta var miklu, miklu betra en í 0-5 tapinu gegn Gent á dögunum. Það munaði svo sannarlega ekki miklu en vítaspyrnan snemma í seinni hálfleik hafði stór áhrif. Blikar voru ósáttir við að fá ekki sjálfir víti stuttu áður. Það er kannski það sem skilur á milli í þessu, en Blikarnir gáfu allt í þetta og mega vera svekktir að fá ekki neitt úr þessu.
Bestu leikmenn
1. Jason Daði Svanþórsson (Breiðablik)
Skoraði tvennu. Var réttur maður á réttum stað í báðum mörkum. Lagði á sig mikla vinnu fyrir liðið og spilaði vel.
2. Gísli Eyjólfsson (Breiðablik)
Átti stóran þátt í báðum mörkunum og sýndi flottar rispur á miðsvæðinu. Gift Orban var klárlega besti maður Gent í leiknum.
Atvikið
Vítaspyrnan sem Gent fær snemma í seinni hálfleik. Mér finnst það mjúkur dómur en fyrst dómarinn dæmir þá er kannski erfitt fyrir VAR að snúa því við. Hefur auðvitað gríðarleg áhrif á úrslit leiksins.
Hvað þýða úrslitin?
Breiðablik er enn án stiga en þeir geta svo sannarlega byggt á þessari frammistöðu. Markmiðið hlýtur að vera að taka allavega eitt stig úr næstu tveimur leikjum.
Vondur dagur
Varnarleikur Breiðabliks í fyrsta markinu er svakalega vondur og á þessu stigi máttu ekki gefa svona mark. Sigurmarkið leit heldur ekkert sérlega vel út. Þurfa að fara betur yfir þessi mörk og læra af þeim.
Dómarinn - 3
Mér fannst leikurinn heilt yfir ágætlega dæmdur en það er sárt að umdeild vítaspyrna hafi svona mikil áhrif á leikinn. Soft dómur og Blikar hefðu mögulega átt að fá vítaspyrnu hinum megin. Hef ekki séð það atvik aftur hins vegar.