Stefán Marteinn Ólafsson @Stefanmarteinn7

Textalýsing Skýrslan Viðtöl

Hvað réði úrslitum? Gæði Blika voru ögn meiri þegar rýnt er í leikinn. FH gáfu þeim mótspyrnu en höfðu ekki erindi sem erfði. Varnarleikur Blika var öflugur og skilaði þessu í höfn þegar uppi er staðið. FH mögulega óheppnir og hefðu kannski átt að fá víti en ef og hefði og allt það. Bestu leikmenn 1. Anton Ari Einarsson Fékk gagnrýni á síðustu leiktíð en stimplar sig vel inn í fyrsta leik. Hélt hreinu og hirti allt sem kom inn á teiginn. Var virkilega öruggur í sínum aðgerðum. 2. Viktor Karl Einarsson Átti stóran þátt í báðum mörkunum í dag. Lagði upp fyrra markið og átti skotið sem varð að öðru marki Blika. Var flottur á miðjunni hjá Blikum í dag. Atvikið FH vildu fá víti í stöðunni 1-0 og momentið var með þeim. Blikar skora stuttu seinna annað markið og klára leikinn. Hefði þróast öðruvíti að öllium líkindum ef FH hefði fengið vítið.

Hvað þýða úrslitin? Breiðablik byrjar leiktíðina á flottum sigri. FH þarf að bíða eftir sínum fyrstu stigum. Vondur dagur Enginn sem mig langar að setja hérna í þennan dálk. Enginn sem var áberandi lélegur að mínu mati svo ég skila auðu hérna. Dómarinn - 5 FH áttu mögulega að fá víti sem hefði snúið leiknum í allt annað samhengi en sleppi tríóinu þó með fimmu. Heilt fyrir ágætur leikur fyrir utan þetta atvik og nokkur smávægileg atriði hér og þar. Ég er ekki sammála þessari línu sem er verið að leggja í spjaldagleðinni í upphafi móts en sennilega lítið Ívar Orra að sakast með það sérstaklega.