SKÝRSLAN: Markmannsmistök á Akureyri
Hvað réði úrslitum?
Afskaplega klaufalegt mark að hálfu KA þegar Kjartan Kári tryggði FH sigurinn. KA menn naga sig í handabökin að nýta ekki mörg góð færi.
Bestu leikmenn
1. Kjartan Kári Halldórsson
Frábær frammistaða í dag. Fór illa með vörn KA og skoraði sigurmarkið.
2. Vuk Oskar Dimitrijevic
Sama má segja um Vuk. Þeir félagar á sitthvorum kantinum áttu frábæran dag.
Atvikið
Sigurmark FH. Virtist vera algjörlega hættulaust skot frá Kjartani en Kristijan Jajalo ekki alveg með á nótunum og boltinn rúllaði í netið.
Hvað þýða úrslitin?
Fyrsti sigur FH kominn í hús en norðanmenn leita enn eftir sigri eftir tvo heimaleiki, hlýtur að vera áhyggjuefni þar sem liðið hefur svo sannarlega fengið tækifæri en varnarleikurinn í dag brást þeim.
Vondur dagur
Kristijan Jajalo og Sindri Kristinn áttu ekki góðan dag. Eins og áður hefur komið fram átti Jajalo að gera mun betur í sigurmarkinu og Sindri missti boltann ansi klaufalega áður en Bjarni jafnaði metin.
Dómarinn - 7
Komst vel frá þessu. Það var hiti í leikmönnum og mönnum á bekknum.