SKÝRSLAN: Miklir yfirburðir hjá Þórsurum í dag
Hvað réði úrslitum?
Þórsararnir lögðu grunninn af þessum sigri á fyrsta hálftímanum. Komust í þriggja marka forystu og litu aldrei til baka. Voru með yfirburði langstærstan hluta leiksins.
Bestu leikmenn
1. Fannar Daði Malmquist Gíslason
Skorar tvö góð mörk og var líflegur í sóknarlínu liðsins.
2. Ingimar Arnar Kristjánsson
Var mikið í boltanum og hættulegur inn á teig KFA. Leggur upp en hefði hæglega getað bætt við marki sjálfur.
Atvikið
Fannar Daði kom Þórsurum yfir strax á þriðju mínútu. Það voru fyrirheit um hvað koma skyldi.
Hvað þýða úrslitin?
Þórsarar komnir í 32 liða úrslit Mjólkurbikarsins en KFA situr eftir með sárt ennið.
Vondur dagur
Erfiður dagur fyrir KFA voru ekki klárir í Þórs geðveikina og voru yfirspilaðir.
Dómarinn - 7
Flottur í dag. Gaf Þórsurum kannski soft aukaspyrnu þegar Julio og Aron Birkir voru í baráttunni en annars ekkert hægt að setja út á hann.