Það er rosa auðvelt að segja að rauða spjaldið sem Fylkir fékk á sig á 45 mínútu hefði verið úrslitaatriðið en Skagamenn voru samt komnir yfir áður en það gerist. Í kjölfarið á rauða spjaldinu brotna Fylkismenn algjörlega og Skagamenn gengu á lagið og kláruðu leikinn með fagmennsku og 5 mörkum. 4 mörk í síðasta leik og kannski geta stuðningsmenn ÍA farið loksins að syngja á ný ,,Skagamenn, Skagamenn skoruðu mörkin"

Rauða spjaldið á 45 mínútu þegar Marko Vardic sleppur einn inn fyrir, Orri Sveinn aftasti varnarmaður tekur hann niður við vítateigslínuna og klárt rautt spjald.

Skagamenn með annan sigur í röð og eru þegar þetta er skrifað (leikur Vikings og Blika í gangi) eru þeir í efsta sæti deildarinnar. Fylkismenn eru enn án sigurs en hafa spilað vel í tvo leiki og einn hálfleik og þurfa ekki mikið til að hlutirnir gangi upp hjá þeim.

Orri Sveinn Stefánsson því miður fær þennan dóm á sig þar sem hann fær þetta rauða spjald sem gerir það að verkum að Fylkismenn spila manni færri. En síðan má alveg setja spurningamerki við liðsfélagana alla (nema Ólaf Kristófer) sem brotna við það.

Pétur var með leikinn á lás. Mjög vel dæmdur leikur að mínu mati.