SKÝRSLAN: Taktísk skák í Fífunni
Hvað réði úrslitum?
Á twittersíðu Augnabliks auglýstu þeir leikinn sem taktíska skák á háu stigi og þar var engu logið.
Augnablik mættu Stjörnunni hátt uppi á vellinum og spiluðu sig úr vandræðum, Stjarnan gerði það sömuleiðis sem bauð uppá mjög skemmtilegan leik. Mikið jafnræði var með liðunum en þegar leið á síðari hálfleik fór formið að segja til sín og Stjarnan hafði betur. Frábær frammistaða hjá Augnablik engu að síður sem kom eflaust flestum á óvart.
Bestu leikmenn
1. Eysteinn Þorri Björgvinsson
Frammistaðan hjá Augnablik var það góð að ég verð að velja þá bestu frá þeim. Eysteinn var stórkostlegur í hjarta varnarinnar í dag , frábær leikur hjá Eysteini.
2. Darri Bergmann Gylfason
Darri geggjaður í rammanum hjá Augnablik í dag ég hefði getað valið nánast allt liðið hjá Augnablik en þessir tveir stóðu upp úr.
Atvikið
Mark Augnabliks sem Guðni skoraði. Það var mikil stemning í Fífunni í dag og ,,stúkan" hristist þegar Guðni jafnaði metin í stöðuna 1-1. Stórskrýtið mark sem gerði þetta ennþá skemmtilegra fyrir vikið.
Hvað þýða úrslitin?
Stjarnan verður í pottinum þegar dregið verður í 16-liða úrslit Mjólkurbikarsins.
Vondur dagur
Stjarnan á auðvitað að vera mun betra liðið á pappír, Jökull talaði um að hugarfarið hjá öllu liðinu var langt frá því þar sem hann vildi hafa það.
Andri Adolphsson gerði sig sekan um slæm mistök er hann átti lélegan skalla til baka sem Guðni Rafn komst í og úr varð mark.
Dómarinn - 8
Ég hef ekkert út á tríóið að setja, flott dagsverk hjá þeim!