SKÝRSLAN: FH sá aldrei til sólar gegn Val
Hvað réði úrslitum?
Valsmenn voru einfaldlega betri á flestum sviðum leiksins í kvöld. Mark strax í byrjun gerði hlutina þægilega fyrir heimamenn og var sigurinn aldrei í hættu.
Bestu leikmenn
1. Gylfi Sigurðsson
Kannski smá klisja að velja hann bestan gegn uppeldisfélaginu en það er bara verðskuldað. 2 stoðsendingar og heilt yfir mjög flottur leikur.
2. Hólmar Örn Eyjólfsson
Stóð vaktina eins og klettur í vörninni og skoraði líka fyrsta markið. Orri Sigurður kom líka til greina hérna
Atvikið
Mark strax í byrjun leiksins. Eftir það var þetta brekka fyrir gestina.
Hvað þýða úrslitin?
Valsmenn eru komnir í 16 liða úrslit bikarsins en FH er úr leik þetta árið.
Vondur dagur
Ég var búinn að ákveða að setja bara framlínu FH í þennan dálk enda hafði það verið verðskuldað. Sigurður Bjartur fann sig t.d. engan veginn í kvöld. En Grétar Snær vinur minn ákvað að troða sér líka í þennan dálk með glæfralegri tæklingu seint í leiknum þegar hann var nýkominn inn á sem varamaður. Grétar fékk réttilega rautt spjald fyrir vikið.
Dómarinn - 8,5
Bara eins og við var að búast hjá Pétri. Með þetta meira og minna allt í teskeið í dag.