3-0 lokatölur og Valur fer áfram í bikarnum. FH er hinsvegar úr leik. Mjög sanngjarn sigur Vals hér í kvöld.


Skýrsla og viðtöl innan skamms!

þrjár mín í uppbót

Gyrðir nálægt því að klóra í bakkann fyrir FH en skot hans naumlega framhjá

Fær sendingu innfyrir en skotið naumlega framhjá

Allt að sjóða upp úr hérna Aron Jó virðist brjóta á tveimur mönnum nánast á sömu sekúndunni. FH-ingar vilja að hann sé sendur í sturtu

og hinum megin er Kjartan Kári núna sloppinn einn í gegn en líkt og Lúkas áðan setur hann boltann framhjá.

Sloppinn einn í gegn eftir snarpa sókn. Hefur allan heimsins tíma einn gegn Daða en setur boltann framhjá

Kjartan Kári tekur aukaspyrnuna en boltinn yfir markið

Seinni hálfleikurinn fer hægt af stað. Lítið að frétta.

Skemmtileg mynd af Böðvari Böðvars og Gylfa Sig.

Aron liggur eftir og fær aðhlynningu. Vonandi ekkert alvarlegt

Kjartan Kári reynir skot fyrir utan teig sem fer hátt og langt yfir

Það er að færast líf í þetta. Kjartan Kári tekur aukaspyrnu úti á miðjum velli. Eftir smá barning í teignum berst boltinn á Vuk sem tekur bakfallsspyrnu en boltinn fer í hliðarnetið

Strax í kjölfarið geysast FH-ingar fram í sókn. Boltinn fer aftur fyrir og FH-ingar vilja horn. Pétur dæmir hinsvegar markspyrnu og Heimi Guðjóns er ekki skemmt

Gylfi tekur hornið, boltanum er flokkað áfram á Kidda sem skýtur naumlega yfir

FH í fínni sókn. Kjartan Kári á fyrirgjöf sem Valsmenn skalla frá. Þá kemur Logi Hrafn á fullu spani og á hörkuskot sem Frederik gerir vel í að handsama.

Tryggvi með góðan sprett og tekur skot rétt fyrir utan teig sem fer naumlega framhjá

Patrick tapar boltanum úti á miðjum velli, vildi fá aukaspyrnu en fékk FH. FH sótti hratt og endar sóknin með því að Kjartan Kári á skot sem Frederik ver þægilega

Aftur fá Valsmenn horn. Gylfi mætir á vettvang. FH -ingar ná í þetta sinn að hreinsa frá

FH aðeins að ná áttum. Hafa þó ekki náð að valda Valsmönnum neinum sérstökum vandræðum.

Vuk með skot sem er varið í horn. Þeir gerast þó brotlegir í horninu og ekkert verður úr því

Tryggvi var sloppinn í gegn eftir að Patrick hafði skallað boltann innfyrir á hann en réttilega dæmdur rangstæður

FH-ingar virðast svolítið slegnir út af laginu hérna í byrjun. Miklir yfirburðir heimamanna

Valur fær fyrsta horn leiksins

Það eru heimamenn í Val sem byrja með boltann

Svona fyrir þá sem höfðu áhyggjur eftir seinustu færslu. Fín mæting.

Má líka til með að hrósa Valsmönnum fyrir umgjörðina. Alvöru standard sem þeir eru að setja.

Verð að játa að ég átti von á fleirum hérna í dag. Sérstaklega miðað við að maður þurfti nánast að finna bílastæði í Kópavogi til að komast á völlinn. Korter í leik og stúkan tómleg. Vonandi erum bara sem flestir að vökva sig fyrir leikinn í fjósinu hérna í næsta húsi

Sérstök staða. Hörður Ingi Gunnarsson er genginn til liðs við Val frá FH. og Bjarni Guðjón Brynjólfsson skiptir á móti úr Val í FH.

Hörður, sem er uppalinn í FH, er mættur í VIP stúkuna hér á Hlíðarenda og verður kynntur sem leikmaður Vals fyrir leik.

Fyrir áhugasama má benda á að Hörður lék sína fyrstu meistaraflokksleiki á ferlinum fyrir Víking Ó., á átjánda aldursári. Einn af fjölmörgum öflugum leikmönnum sem hafa farið í gegnum Ejub Purisevic skólann.

Arnar Grétarsson, þjálfari Vals, gerir tvær breytingar frá tapinu gegn Stjörnunni í síðasta deildarleik. Elfar Freyr kemur inn fyrir Bjarna Mark Antonsson sem tekur sér sæti á bekknum og Kristinn Freyr kemur inn fyrir Sigurð Egil Lárusson sem glímir við meiðsli. Tristan Snær Daníelsson sem fæddur er árið 2005 kemur inn í hópinn.

Heimir Guðjónsson, fyrrum þjálfari Vals og nú þjálfari FH, gerir fjórar breytingar frá sigrinum gegn HK í síðasta deildarleik. Daði Freyr kemur í markið og þeir Dusan, Baldur Kári og Arnór Borg koma einnig inn í liðið. Sindri Kristinn Ólafsson, Björn Daníel Sverrisson og Finnur Orri Margeirsson taka sér sæti á bekknum en Ólafur Guðmundsson glímir við meiðsli. Jóhann Ægir Arnarsson er í leikmannahópi FH í fyrsta sinn á tímabilinu en hann sleit krossband síðasta sumar.

Hörður Ingi Gunnarsson er ekki í hóp hjá FH, hann hefur ekki verið í hóp á tímabilinu til þessa. Haraldur Einar Ásgrímsson, sem hefur komið inn af bekknum í fyrstu þremur leikjum FH á tímabilinu, er á leið í Fram og er því heldur ekki í hóp.

Það er ekki bara Gylfi sem er að mæta uppeldisfélaginu sínu hér í kvöld. Jónatan Ingi Jónsson, leikmaður Vals, er einnig að mæta sínum gömlu félögum í fyrsta sinn í dag.

Hann er alinn upp hjá FH en hefur farið tvisvar út í atvinnumennsku frá félaginu. Fyrst fór hann 16 ára gamall til AZ Alkmaar í Hollandi en snéri svo aftur heim í FH þremur árum seinna. Hann fór svo til Sogndal í Noregi snemma árs 2022 en er nú mættur aftur til Íslands og samdi við Val

Bæði lið hafa spilað 3 leiki í deildinni áður en að þessum bikarleik kemur.

Valsmenn unnu ÍA og gerðu jafntefli við Fylki áður en liðið tapaði gegn Stjörnunni í seinustu umferð og uppskeran því 4 stig.

FH byrjaði á tapi gegn FH en í kjölfarið komu sigrar gegn KA og HK. Liðið er því með 6 stig.

Helsta sögulínan hér í kvöld er líklega sú að Gylfi Sigurðsson er að mæta uppeldisfélaginu, FH, í fyrsta sinn eftir heimkomuna.

Eins og flestir vita er Gylfi uppalinn hjá Fimleikafélaginu. Fyrir nokkrum árum talaði hann reglulega um það í viðtölum að hann teldi líklegt að hann myndi enda ferilinn í Hafnarfirði. Nú er hann hinsvegar mættur til Vals, mörgum Hafnfirðingum til þónokkurs ama.

Komiði sæl og verið velkomin í viðureign Vals og FH í 32-liða úrslitum Mjólkurbikarsins í knattspyrnu.