SKÝRSLAN: Vindur og dramatík í Keflavík
Hvað réði úrslitum?
Klárlega vindurinn. Keflvíkingar voru með hann í bakinu allan fyrri hálfleikinn og voru 2-0 yfir í hálfleik en gestirnir unnu seinni hálfelikinn 3-2 þegar þær fengu vindinn í bakið. Mörkin voru líka mjög mikil klafsmörk úr föstum leikatriðum þar sem vindurinn hjálpaði þeim að ýta boltanum yfir línuna.
Bestu leikmenn
1. Hannah Sharts (Stjarnan)
Klárlega Hannah Sharts. Það er ekki á hverjum degi þar sem hafsent skorar tvö mörk á tveimur mínútum til þess að jafna leikinn og leggur upp sigurmarkið. Frábær í dag og lítið út á hana að setja heilt yfir. Hún fær þetta verðskuldað frá mér.
2. Susanna Joy Friedrichs (Keflavík)
Þetta finnst mér ógeðslega erfitt að velja. Susanna átti samt mjög góðan leik í dag. Skorar þetta geggjaða mark á frábærum tíma og það fór meira og minna allt í gegnum hana í sóknarelik Keflvíkinga í dag.
Atvikið
Klárlega vítaspyrnudómurinn í fyrri hálfeiknum þegar að Anna sendir boltann yfir á Hönnuh nema að Hannah stoppar þá boltann með hendinni. Maður hefur séð þetta oft gerast en aldrei kannski dæmt á það. Nema núna voru Keflvíkingarnir mættar inn í teig í pressuna en þarna var dómari leiksins líklegast búinn að segja „bolti í leik.“ og þ.a.l. hendi víti. Mjög áhugaverður og án efa umdeildur dómur.
Hvað þýða úrslitin?
Keflvíkingar eru núna með 0 stig eftir fyrstu tvo leikina og hafa fengið sex mörk á sig á meðan Stjarnan nær í sinn fyrsta sigur og eru komnar á blað.
Vondur dagur
Það er mjög erfitt að segja. Fanns engin áberandi léleg í dag og það hljómar kannski ekkert sérstaklega vel. Ég gæti sett þetta á Kristrúnu Ýr fyrirliða Keflvíkinga. Hún átti líklega ekki góðan dag í dag. Kemur af velli meidd og mér fannst standið á henni í dag vera ekki nægilega gott.
Dómarinn - 8
Jakub dæmdi þennan leik bara heilt yfir vel. Það er lítið út á hann að setja nema hugsanlega vítið en persónulega fannst mér þetta vera réttur dómur en dæmi hver fyrir sig segi ég bara. Mjög umdeildur dómur sem verður eflaust rætt og ritað um næstu daga.