SKÝRSLAN: Þú færð gult, þú færð gult, allir fá gult!
Hvað réði úrslitum?
Það er erfitt að segja. Þetta var skemmtilegur leikur og mikið að gerast inni í höllinni sem maður myndi halda að ætti að nýtast Skagamönnum betur. Kannski var það bara gæðin í FH liðinu. Þeir mættu ekki alveg nógu sprækir til leiks í seinni hálfeliknum en unnu sig hægt og rólega inn í leikinn. Þeir voru bara mjög solid í dag.
Bestu leikmenn
1. Logi Hrafn Róbertsson
Fyrir utan það að hann skoraði þetta glæislega sigurmark sem skilur liðin að þá fannst mér hann bara eiga fantagóðan leik. Var mjög líflegur og nánast allt í öllu í sóknarleik FH-inga í dag.
2. Johannes Vall
Mér fannst hann bestur í Skagaliðinu kannski ásamt Steinari Þorsteinssyni. Hann var valinn maður leiksins af stuðningsmönnum ÍA og það á hann skilið því hann var mjög fínn í dag.
Atvikið
Það er úr nægu að taka en ég ætla að taka fyrsta mark leiksins sem Kjartan Kári skoraði. Aukaspyrna af löngu færi en hann ákvað að skjóta og skoraði þetta glæsilega mark. Það má samt setja spurningarmerki Árna Marínó í marki Skagamanna. Fannst eins og hann hefði átt að gera betur. Bara einn í vegg og skot af löngu færi sem var mjög lágt.
Hvað þýða úrslitin?
Skagamenn eru með 6 stig eftir fjóra leiki en FH-ingar vinna sinn þriðja leik í röð og ná í risa þrjú stig.
Vondur dagur
Það væri létt fyrir mig að velja Helga Mikael en ég verð að gefa þetta á Árna Marínó. Hræðileg mistök í fyrsta markinu. Bara einn í vegg og skot langt fyrir utan vítateiginn sem allir markmenn í Bestu deildinni eiga að verja finnst mér.
Dómarinn - 5
Alls ekki vel dæmdur leikur fannst mér. Lítil sem engin stjórn á leiknum og AAAAALLLLTTOOOOFFFF mörg spjöld fyrir minn smekk.