Það voru Njarðvíkingar sem héldu út gegn Leiknismönnum í fyrstu umferð Lengjudeildarinnar. Njarðvíkingar leiddu með tveimur mörkum í hálfleik og það nokkuð sanngjarnt. Leiknir mættu hinsvegar grimmari til leiks í seinni hálfleik og náðu inn verðskulduðu marki undir lokin en mörg færi höfðu farið forgörðum áður en markið loksins datt. Njarðvík hinsvegar gerði frábærlega varnarlega og héldu út leikinn.

Annað mark Njarðvíkur rétt fyrir hálfleikinn gaf gestunum mikið. Gátu komið örlítið afslappaðari út í seinni hálfleikinn. Annars er líka hægt að nefna nánast öll færin sem fóru forgörðum hjá Leikni. Skutu einusinni stöngin, bakið á Aron Snær og aftur fyrir.

Njarðvíkingar byrja á sigri og sækja þrjú stig á meðan heimamenn í Leikni fá ekkert stig.

Erfitt að henda einhverjum einum hérna en sóknarleikur Leiknismanna átti off dag í kvöld. Fullt af færum sem undir venjulegum kringumstæðum maður hefði séð liggja inni.

Komust vel frá sínu í kvöld dómarateymið og létu ekki veiða sig í neinar gildur. Sennilega eitthvað hægt að pikka út en ekkert sem skipti höfuð máli þegar uppi er staðið.