Heil og sæl og hjartanlega velkomin í beina textalýsingu frá stórleik FH og KR í Pepsi-deild karla. FH-ingar eru að spila upp á stoltið á meðan KR trónir á toppi deildarinnar. Minnum fólk sem skrifar færslur um leikinn á Twitter að nota hashtagið #fótbolti. Valdar færslur verða birtar hér í þessari textalýsingu.

Byrjunarliðin eru komin og má sjá til hliðar.

Það er náttúrulega bölvuð vitleysa í mér að FH sé aðeins að spila upp á stoltið. Við skulum ekki afskrifa Hafnfirðinga og baráttan um Evrópusæti til staðar.

KR-ingar eru ekki með sitt sterkasta í dag. Viktor Bjarki og Baldur Sigurðsson eru í banni og þá er Skúli Jón Friðgeirsson enn meiddur.

Dómari í dag er Akurnesingurinn Valgeir Valgeirsson. Sigurður Óli Þórleifsson og Jóhann Gunnar Guðmundsson eru aðstoðardómarar og Leiknir Ágústsson fjórði dómari.

KR-ingar eru hollenskir í dag. Spila í appelsínugulu varatreyjunum sínum. Síðast þegar þeir spiluðu í þeim urðu þeir bikarmeistarar.

KR vann Fram í síðustu umferð 2-1 en FH tapaði 4-0 fyrir Stjörnunni á teppinu.

Leikurinn er hafinn. Fyrir hann var mínútu þögn til minningar um Birgi Björnsson (22.febrúar 1935 - 2. september 2011). Birgir er þekktastur fyrir þátttöku sína í íþróttum en hann byrjaði ungur að æfa fimleika með FH, og snéri sér síðan alfarið að handknattleik.

Gunnar Örn fékk hörkufæri. Kjartan Henry með fyrirgjöf og Gunnar var einn og óvaldaður í teignum en náði ekki nægilega góðum skalla. KR meira með boltann hér í upphafi.

Landsliðsmarkvörðurinn Hannes Þór Halldórsson með fína vörslu. Skot FH breytti um stefnu af varnarmanni og hætta varð úr. Hannes varði í horn en ekkert kom út úr horninu.

Vel útfærð sókn endar með því að Atli Guðna nær skoti að marki KR. Skotið þó laflaust og Hannes ekki í vandræðum með að grípa boltann.

Atli Viðar Björnsson í hörkufæri en skot hans ekki nægilega öflugt og Hannes ver. FH virðist vera að ná völdum.

Björn Jónsson búinn að eiga tvær skottilraunir. Skaut himinhátt yfir í bæði skiptin.

Þarna voru KR-ingar ansi nálægt því að jafna. Eftir aukaspyrnu skallaði einhver boltann í slánna og svo fór hann í hendur Gunnleifs Gunnleifssonar. Mér sýndist það vera Egill sem náði skallanum en lofa engu.

Atli Viðar ógnandi og var að sleppa en Hannes bjargaði í horn með góðu úthlaupi.

Þessi leikur verið nokkuð fjörugur. Vörnin hjá KR er alls ekki að virka sannfærandi.

Það hefur verið flautað til hálfleiks í Kaplakrika og heimamenn leiða 2-0. Það stefnir því allt í fyrsta tap KR í sumar. ÍBV var að vinna Þór og spennan í titilbaráttunni eykst.

KR-ingar hafa verið mjög daprir í þessum leik og nánast allir að leika undir getu. FH-ingar hafa verið bitmiklir og sprækir.

Seinni hálfleikur hafinn. KR-ingar sækja núna í átt að Reykjavík.

KR-ingar koma mun ákveðnari til leiks hér í seinni hálfleikinn og eru ógnandi á upphafsmínútum hans.

Hörkufæri! Matthías Vilhjálmsson fékk boltann í teignum eftir hornspyrnu en Hannes vel á verði og varði í horn.

Hólmar Örn Rúnarsson fékk boltann í dauðafæri rétt fyrir utan markteiginn en Hannes varði frá honum. FH-ingar líklegri til að bæta við en KR að minnka muninn sem stendur.

Hörkufæri! Dofri hefur komið gríðarlega sterkur inn í KR-liðið og hann átti stórhættulegt skot sem Gunnleifur varði naumlega. Þarna hefðu gestirnir getað jafnað.

Matthías Vilhjálmsson með hættulegt skot sem Hannes varði.

Þvílík markvarsla hjá Gunnleifi! Guðjón Baldvinsson komst í gott færi en Gunnleifur bjargaði.

Leiknum er lokið með 2-1 sigri FH. Viðtöl og frekari umfjöllun hér á Fótbolta.net síðar í kvöld.