SKÝRSLAN: Ingimar Arnar magnaður í Egilshöllinni
Hvað réði úrslitum?
Þetta var alls ekki mjög opinn leikur og ekki mikið um upplögð marktækifæri. Fjölnismenn voru ögn sterkari fyrsta klukkutímann eða svo. Ingimar skorar svo eftir mistök frá Halldóri í markinu og manni fannst Fjölnir aldrei líklegir til að jafna eftir það.
Bestu leikmenn
1. Ingimar Arnar Kristjánsson
Frábær í dag þessi ungi strákur. Fyrsta markið var ansi skrautlegt en seinni markið var frábært slútt. Efnilegur strákur sem gæti náð langt.
2. Birkir Heimisson
Barðist eins og ljón og var gjörsamlega alls staðar allan leikinn. Tilbúinn að leggja sig allan fram fyrir uppeldisfélagið sitt.
Atvikið
Fyrsta mark leiksins var ansi skrautlegt og var ansi afdrífaríkt. Halldór Snær gerir sig sekann um klaufaleg mistök.
Hvað þýða úrslitin?
Þórsara tryggja sig í 8 liða úrslit á kostnað Fjölnismanna.
Vondur dagur
Halldór Snær Georgsson leit hræðilega út í opnunarmarkinu. Rýkur út úr teignum og Ingimar er á undan í boltann.
Dómarinn - 8
Maður tók ekkert eftir frammistöðu Ívars í dag og það er merki um góða frammistöðu dómara.