Keflavík er á leið í 8 liða úrslit Mjólkurbikarsins þetta árið.

Viðtöl og skýrsla væntanleg í kvöld.

Keflvíkinga slá annað lið úr Bestu deildinni úr leik og eru komnir í átta liða úrslit.
Hér eru mörkin og rauða spjaldið úr leiknum. Lokatölur urðu Keflavík 3-1 ÍA ???? pic.twitter.com/Oorq2o54BT

— RÚV Íþróttir (@ruvithrottir) May 16, 2024

Allir leikmenn Skagamanna á vallarhelmingi Keflavíkur. Árni Marinó mættur fram.

Skagamenn ná þó ekki að skapa sér færi og Árni skilar sér til baka.

Uppbótartíminn hér verður að minnsta kosti fimm mínútur.

Einn og óvaldaður í teignum fær hann boltann frá hægri, velur að taka skotið á lofti, nær fínasta skoti en aðeins of hátt og boltinn yfir markið.

Litla markið sem þetta hefði orðið.

Sindri Snær er sestur á völlinn og þarfnast aðhlynningar.

Hinrik keyrir inn á teig Keflavíkur vinstra megin og nær skoti úr þröngu færi. Ásgeir ver og heimamenn hreinsa.

Gestirnir verið betri síðustu mínútur.

Viktor Jónsson fer niður í teig Keflavíkur og aftur heyrast köll um víti, Pétur veifar leikinn áfram.

Viktor Jónsson með skalla að marki eftir ágæta sókn ÍA. Boltinn yfir markið.

Jón Gísli Eyland fer niður í teignum eftir baráttu við varnarmann og Skagamenn kalla eftir vítaspyrnu. Flaggið er á lofti og rangstaða dæmd.

Mamadou Diaw með hörkusprett upp hægri vænginn, kemst að teignum en er þar stöðvaður.

Keflavík á horn.

Dagur Ingi að sleppa einn í gegn, flaggið fer á loft.

Keflavík vinnur horn.

Spyrnan frá hægri tekin á nærstöng. Gunnlaugur Fannar mættur þar en skallar boltann yfir markið.

Keflavík fær þrjár hornspyrnur í röð, eftir þá síðustu Diaw með skot en boltinn talsvert yfir markið.

Dagur Ingi með skot eða fyrirgjöf. Hvort sem það var þá gekk það ekki og endaði hjá Árna.

Skagamenn sparka okkur í gang á ný.

Áhugaverðum fyrri hálfleik lokið hér í Keflavík.

Fátt í kortunum framan af hálfleik til merkis um að þetta yrði jafn fjörugur og raun ber vitni. En það var heldur betur nóg um að vera hér í lok hálfleiksins.

Hvernig bregðast Skagamenn við?

Ein mínúta að lágmarki í uppbótartíma hér í fyrri hálfleik.

Stefán Jón reynir skotið fyrir Keflavík. Nær ekki nægum krafti og Árni Marinó ekki í teljandi vandræðum með boltann.

Sindri Snær með hörkuskot af löngu færi. Alls ekki galin tilraun en hittir ekki á markið.

Keflavík er að fá vítaspyrnu!!!!

Keflavík vinnur hornspyrnu.

Ekkert verður úr.

Keimlíkt markinu, sleppur innfyrir vörnina, leikur á Ásgeir í markinu en setur boltann framhjá tómu markinu. Færið vissulega örlítið þröngt en hann á einfaldlega að gera betur!

Erik Tobias Sandberg með heiðarlega tilraun þess að skora mark ársins!

Reyndar í eigið net, ætlar að senda boltann til baka á Árna í markinu en úr verður fínasta skot sem svífur framhjá markinu í og í horn.

Ekkert verður úr horninu.

Hættulegur bolti inn á teig Keflavíkur. Viktor Jónsson í boltanum en nær ekki að taka hann með sér.

Boltinn beint í vegginn og svífur í boga inn á teiginn. Árni Marinó mætir út en er hlaupinn niður og liggur eftir.

Ásgeir Orri missir boltann út í teiginn eftir hornspyrnu frá vinstri. Boltinn berst á Oliver sem á hörkuskot sem fer af varnarmanni og afturfyrir.

Gunnlaugur Fannar í skallafæri í teignum en Skagamenn koma boltanum í horn.

Ekkert verður úr horninu.

Steinar Þorsteinsson reynir skot af talsverðu færi að marki en hittir boltann illa sem fer langt framhjá markinu,

Sami Kamel með hörkuskot eftir ágæta sókn Keflavíkur en boltinn framhjá markinu.

Sami Kamel með fyrsta skot leiksins eftir rétt um 30 sekúndur.

Reynir að snúa boltann í hornið fjær frá vinstra vítateigshorni en laus bolti hans í fang Árna.

Mamadou Diaw á upphafsspyrnuna.

Allt klárt hér á HS-Orkuvellinum. Heimamenn ætla að sparka okkur af stað.

Pétur Guðmundsson sér um flautuna í kvöld, honum til aðstoðar eru þeir Eðvarð Eðvarðsson og Daníel Ingi Þórisson. Jóhann Ingi Jónsson er fjórði dómari og eftirlitsmaður KSÍ Björn Guðbjörnsson.

Fjórum sinnum hafa liðin mætt hvort öðru í Bikarkeppni KSÍ frá aldamótum og skipta liðin þar sigrum bróðurlega á milli sín. Tveir sigrar á hvort lið og markatala liðanna 5-6 ÍA í vil.

Liðin mættust í 32 liða úrslitum bikarsins í fyrra hér í Keflavík. Þar hafði Keflavík 1-0 sigur eftir framlengingu þar sem Stefan Alexander Ljubicic gerði mark Keflavíkur.

Heimamenn í Keflavík hafa ekki riðið feitum hesti frá fyrstu tveimur umferðum Lengjudeildarinnar þetta árið. Tvö töp og núll stig niðurstaðan og sennilega langt frá þeim væntingum sem gerðar eru innan herbúða Keflavíkur.

Í bikarnum má þó segja að liðið hafi komið á óvart. Eftir 3-2 sigur á Víkingi.Ó í annari umferð keppninar tók liðið á móti Breiðablik í 32 liða úrslitum. Þar gerðu Keflvíkingar sér lítið fyrir og slógu út lið Blika með 2-1 sigri. Sami Kamel gerði þar bæði mörk Keflavíkur.

Gestirnir af Skipaskaga hafa átt þokkalegasta sumar til þessa. Gengi liðsins í Bestu deildinni hefur verið upp og ofan svo sem en liðið situr þar í sjöunda sæti deildarinnar með níu stig að loknum sex umferðum.

Líkt og önnur lið í Bestu deildinni mætti liðið til leiks í 32 liða úrslitum. Þar mættu Skagamenn liði Tindastóls og hafði 3-0 sigur. Ingi Þór Sigurðsson og Hilmar Elís Hilmarsson gerðu þar mörk ÍA.

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Keflavíkur og ÍA í 16 liða úrslitum Mjólkurbikars karla.

Flautað verður til leiks á HS-Orkuvellinum klukkan 18:15