Styttist Þá ganga liðin til vallar og klappa fyrir áhorfendum

Leikur kvöldsins er í Garðarbænum

Ég hélt ég myndi nú bara sjá þessa á Hlíðarenda á laugardaginn en hér erum við ??????????? pic.twitter.com/ckaY7JJ9MJ

— Kristjana Arnarsdóttir (@kristjanaarnars) May 16, 2024

Bryjunarliðstíðindi! Stjarnan, sem vann Augnablik 2-1 í 32-liða úrslitunum, gera tvær breytingar á sínu liði frá 1-1 jafnteflinu gegn Fram á dögunum í Bestu deildinni. Mathias Brinch Rosenorn, markmaðurinn, og Örvar Eggertsson, koma inn í liðið fyrir þá Árna Snæ og Andra Adolphsson.

KR-ingar unnu KÁ nokkuð örugglega í 32-liða úrslitum Mjólkurbikarsins. Gregg Ryder gerir fjórar breytingar á KR-liðinu frá 2-1 tapinu gegn HK seinustu helgi. Sigurpáll Sören, Moutaz Neffati, Eyþór Aron Wöhler og Benoný Breki koma úr liðinu fyrir þá Guy Smit, Theodór Elmar, Aron Kristófer og Luke Rae.

Býður Gregg Ryder stuðningsmönnum í glas eftir leik? 16-liða úrslit Mjólkurbikarsins er í fullum gangi en hann Arnar Daði Arnarsson, Sérfræðingurinn sjálfur, spáir í leikina.

Stjarnan 3 - 2 KR (Í kvöld 19:30)
Svakalegur leikur í Garðabænum og Stjarnan nær að hefna fyrir tapið í deildinni gegn KR. Emil Atlason verður á skotskónum - skorar sigurmarkið undir blálokin. Gregg Ryder biður stuðningsmenn KR afsökunar á slöku gengi undanfarið og býður þeim uppá tvo bjóra á Rauða ljóninu eftir leik.

Teymið Sigurður Hjörtur stýrir flautukonsertinu í Garðarbænum í kvöld. Honum til aðstoðar verða þeir Gylfi Már Sigurðsson og Andri Vigfússon. Gunnar Oddur er skiltadómari en eftirlitsmaður KSÍ er hann Gylfi Þór Orrason.

Liðin mættust á dögunum Það er ekki langt síðan liðin mættust í Garðarbænum í Bestu deildinni. Þá vann KR 3-1 sigur en mikið vatn hefur runnið til sjávar eftir þennan leik.

Gengi KR-inga Gengi KR í sumar hefur eiginlega verið öfugt við gengi Stjörnunnar því þeir byrjuðu leiktíðina vel en hafa ekki verið góðir í undanförnum leikjum. Liðið situr í 8. sæti deildarinnar með 7 stig og hefur fengið á sig 11 mörk en skorað 11 mörk. Eftir tvo sigra í fyrstu tveimur leikjunum hafa þeir ekki unnið leik síðan nema í bikarnum gegn KÁ í seinustu umferð sem kom þeim í þennan leik.


Klaufagangur og markmannsmistök
Mörkin sem KR hefur fengið á sig í seinustu leikjum getur ekki verið eitthvað sem Gregg Ryder, þjálfari liðsins, er sáttur með. Það hefur verið mikill klaufagangur í varnarleik KR-inga og síðan hafa markmenn liðsins ekki staðið sig vel. Dýr mistök sem eru alls ekki ásættanleg. Guy Smit hefur oftar en ekki verið skúrkurinn en hann var í leikbanni gegn HK í seinasta leik deildarinnar. Þá var Sigurpáll Sörens í marki KR sem gerði þá einnig dýrkeypt mistök.

Stjörnumenn byrjaðir að vinna - Leið þeirra í leikinn Eftir mjög slæma byrjun á tímabilinu hefur Stjarnan náð að vinna þrjá og gera eitt jafntefli í seinustu fjórum deildarleikjum. Stjörnumenn unnu Augnablik í 32-liða úrslitum Mjólkurbikarsins 2-1 fyrir þessa umferð. Guðmundur Baldvin reyndist vera hetja Stjörnunnar það kvöld.

Jákvæðir punktar í liði Stjörnunnar
Þrátt fyrir nokkrar frammistöður sem hafa ekki verið góðar, og einhverja leiðinlega kafla í leikjum Stjörnunnar, eru nokkrir ljósir punktar í liðinu. Helgi Fróði hefur verið stórmagnaður í upphafi móts og Guðmundur Baldvin hefur einnig komið skemmtilega inn í lið Stjörnunnar. Guðmundur hefur ekki byrjað alla leiki Stjörnunnar en hann hefur skorað tvö gífurlega sæt og mikilvæg sigurmörk. Síðan er mjög jákvætt fyrir Garðbæinga að fá Emil Atla í gang sem skoraði gegn Skaganum á dögunum sitt fyrsta mark á mótinum.

Bikarinn heldur áfram Einn af þremur Bestu deildarslögum í 16-liða úrslitum Mjólurbikarsins fer fram í kvöld í Garðarbænum þegar Stjörnumenn fá KR-inga í heimsókn.