Valsarar eru komnir áfram í bikarnum! Skemmtilegur leikur þar sem gæði gestana var munurinn.

Skýrsla og viðtöl væntanleg seinna í kvöld.

Guðmundur Andri með góða sendingu inn á teig þar sem hann finnur Tryggva í dauðafæri. Hann nær svo fínu skoti en Arnar ver vel.

Uppbótartíminn er 3 mínútur

Afturelding spilar hratt á milli sín og koma sér upp völlinn. Oliver fær þá boltan rétt fyrir utan teig og tekur þrumuna en rétt yfir markið.

Boltinn kemur inn í teig á fjærstöng og hann skoppar eitthvað af mönnum. Hann dettur svo fyrir einn heimamanninn í miðjum teignum sem tekur skotið en yfir markið.

Afturelding vinnur horn. Hafa sótt mikið síðustu mínútur en ekkert náð að skapa.

Úr hornspyrnunni spila heimamenn svo vel saman við hlið teigsins og koma boltanum aftur á Aron Jó (Aft) sem er í dauðadæri en skotið aftur í varnarmann og framhjá.

Næsta horn fer svo beint á Aron Jó (Aft) á fjær þar sem hann er aleinn en skotið hans í þetta skiptið varið!

Aron Jó (Aft) fær boltan fyrir utan teig skoppandi. Hann lætur þá bara vaða en skotið í varnarmann og framhjá.

Valsarar halda áfram að ógna og í þetta skipti var Jónatan komin inn í teig mjög nálægt Arnari markverði heimamanna. Hann tók svo skotið en beint á Arnar sem sá við honum.

Adam fellur við inn í teig og vill fá víti. Elías segir honum hinsvegar bara að standa upp og ég held það sé bara hárrétt hjá honum.

Frábær sókn frá Aftureldingu! Elmar vinnur vel upp kantinn og setur svo boltan til baka á Georg sem keyrir inn á teiginn. Fyrsta snertingin er hinsvegar of þung og hann endar á að hlaupa með boltan bara út í markspyrnu.

Jónatan með lúmska sendingu inn í teig sem er ætluð Patick. Heimamenn gera hinsvegar vel og hreinsa í horn.

Úr horninu kemur boltinn inn í teig og eftir smá vesen á vörninni ná þeir að hreinsa frá.

Seinni hálfleik lokið hér í Mosfellsbæ! Valsarar leiða og þetta hefur verið hörku skemmtun. Afturelding hefur haldið vel í boltan en yfirleitt átt erfitt með að komast í gegnum vörn gestana. Valsarar hafa aftur á móti verið svakalega effektívir þegar þeir sækja. Farið hratt upp völlinn og sýnt mikil gæði.

Nóg eftir og við sjáumst eftir korter.

Ein mínúta í uppbót.

Brotið á Aftureldingar manni rétt fyrir utan teig en dómarinn dæmir ekkert. Heimamenn verða þá vel pirraðir í stúkunni og ég verð að vera sammála þeim, þetta hefði átt að vera aukaspyrna í mjög góðri stöðu.

Afturelding vinnur boltan eftir góða pressu á vallarhelming Valsara. Hrannar fær þá boltan og keyrir inn á teiginn þar sem hann tekur skotið en það fer í varnarmann og útaf.

Elmar Kári keyrir upp næstum allan vallarhelming Valsara og fer illa með varnarmenn þeirra. Hann setur svo boltan á Andra sem er í fínni stöðu rétt fyirr utan teig en skotið hans aðeins of laust og Schram ekki í miklum vandræðum.

Aron Elí kemur með góða skiptingu yfir á Elmar sem keyrir svo inn á völlinn. Hann setur svo stungusendingu inn á Aron Jó (Aft) sem er kominn inn á teig en Hólmar nær að stoppa hann og heimamenn fá horn.

Hornspyrnan kemur svo inn í teig þar sem Georg nær skallanum í átt að marki en frekar beint á Schram sem handsamar boltan.

Þetta var högg fyrir heimamenn þar sem þeir hafa byrjað leikinn frekar vel. Þeir ná að halda ágætlega í boltann en hraðinn og gæðin í Val eru bara alltof hættuleg.

Ég biðst fyrirfram forláts á rugling í textalýsingu þessa leiks. Það eru fjórir Aronar inn á vellinum þar á meðal tveir Aron Jó og báðir númer 7. Þar sem það er bara einn Aron, Vals meginn þá mun hann heita Vals Aron í þessum leik.

Betri uppástungur mega koma í DM

Afturelding 4-2-3-1
Arnar
Georg - Gunnar - Aron Jóns - Aron Elí
Bjartur - Oliver
Elmar - Aron Jó - Hrannar
Andri

Valur 4-3-3
Schram
Birkir - Orri - Hólmar - Jakob
Kristinn - Bjarni - Aron
Adam - Patrick - Jónatan

Valsarar byrja leikinn á að fá horn sem þeir taka stutt á Adam. Hann setur boltan inn í teig en heimamenn hreinsa.

Valsarar taka upphafssparkið

Leikmenn labba inn á völlinn en á undan þeim kemur einn nagli á svakalegu mótorhjóli!

Arnar Grétarsson, þjálfari Vals, í viðtali fyrir leikinn gegn Aftureldingu.
Hann ræddi um fjarveru Gylfa og gæðin í Aftureldingarliðinu. "Við tökum þetta af alvöru og mætum af fullum krafti. Við vitum að þetta er erfiður leikur. Eina sem skiptir máli er að vera í pottinum." pic.twitter.com/NaTYYHxval

— RÚV Íþróttir (@ruvithrottir) May 17, 2024

Magnús Már Einarsson, þjálfari Aftureldingar, í viðtali fyrir leikinn gegn Val.
"Við ætlum bara að spila okkar leik. Við erum búnir að vera með ákveðna hugmyndafræði í gangi í nokkur ár. Við verðum með troðfúlla stúku af Mosfellingum. Þetta er frábært kvöld fram undan" pic.twitter.com/whp1pMRx5a

— RÚV Íþróttir (@ruvithrottir) May 17, 2024

???? LEIKDAGUR í @mjolkurbikarinn

?Afturelding - @Valurfotbolti
???? Malbikstöðin að Varmá
? 19:30
????Gómsætir hamborgarar frá Kjötbúðinni
???? Tippleikur @DPISL
????Heitir pottar á hliðarlínunni
???? Krónuskotið í hálfleik
???? Áfram Afturelding! pic.twitter.com/k6O0TzBiZU

— Afturelding (@umfafturelding) May 17, 2024

Afturelding er með algjörlega óbreytt byrjunarlið frá því að þeir töpuðu 4-2 fyrir Þór í síðustu umferð.

Valur gerir hinsvegar tvær breytingar á sínu liði. Adam Ægir Pálsson og Kristinn Freyr Sigurðsson koma inn í liðið, á meðan Lúkas Logi Heimisson sest á bekkinn en Gylfi Þór Sigurðsson er ekki í hóp.

Elías Ingi Árnason verður dómari þessa leiks og honum til aðstoðar verða Birkir Sigurðarson og Antoníus Bjarki Halldórsson.

Eftirlitsmaður er Ólafur Ingvar Guðfinnsson og varadómari er Vilhjálmur Alvar Þórarinsson

Arnar Daði Arnarsson handboltasérfræðingur er spámaður okkar fyrir þessa umferð í bikarnum og svona spáir hann í þennan leik.

Afturelding 1 - 1 Valur (Valur áfram eftir framlengingu)
Mosfellingar komast yfir í leiknum en Gylfi Þór Sigurðsson jafnar stundarfjórðungi fyrir leikslok. Valsarar þurfa framlengingu til að slá út Aftureldingu. Adam Ægir Pálsson fær rautt fyrir að segja Magga.net að grjóthalda kjafti og Kiddi Freyr fær gult spjald í kjölfarið fyrir að segja Adam að drulla sér útaf vellinum. Arnar Grétars verður með teip yfir munninum á sér á meðan á þessu öllu stendur en hleypur svo í fangið á Baldvini Borgarssyni besta vini sínum strax eftir leik og þeir syngja og tralla og fagna kærkomnum sigri.

Fjölnir - Þór 0-2
KA - Vestri 3-1
Keflavík - ÍA 3-1
Fylkir - HK 3-1
Grindavík - Víkingur R. 1-4
Stjarnan - KR 5-3
Fram - ÍH Hefst klukkan 19:15 í kvöld
Afturelding - Valur Hefst klukkan 19:30 í kvöld

Valsarar spiluðu sinn fyrsta lík í bikarnum þann 24. apríl síðastliðinn. Þeir fengu þá FH í heimsókn í alvöru Bestu deildar slag. Leikurinn endaði 3-0 fyrir Val og markaskorarar þeirra í þeim leik voru Hólmar Örn Eyjólfsson, Patrick Pedersen og Tryggvi Hrafn Haraldsson.

Afturelding spilaði sinn fyrsta leik í bikarnum 13. apríl síðastliðinn í 64. liða úrslitum þar sem liðið mætti Leikni á útivelli og vann þá 4-1. Næst tóku þeir á móti Dalvíkingum þann 25. apríl. Þeir unnu þá einnig 4-1. 3 leikmenn liðsins hafa skorað 2 mörk í keppninni en það eru þeir Elmar Kári Enesson Cogic, Hrannar Snær Magnússon og Patrekur Orri Guðjónsson

Komiði sæl og verið velkomin í beina textalýsingu frá leik Aftureldingar og Vals í 16 liða úrslitum Mjólkurbikars karla.

Leikurinn hefst klukkan 19:30 og verður spilaður á Malbikstöðinni að Varmá í Mósfellsbæ.