Léleg færanýting hjá báðum liðum skilaði markalausu jafntefli. Bæði lið fengu færi í síðari hálfleiknum til að koma boltanum í netið en án árangurs. Eftir afar rólegan fyrri hálfleik tók við fínasta skemmtun en án marka.

Færin sem Amin, Abdeen og Dagur Ingi fengu í síðari hálfleik. Ef við tökum nýtingu færa út fyrir sviga þá vildu gestirnir fá vítaspyrnu í fyrri hálfleik en stjórnendur hristu hausinn og áfram hélt leikurinn. Lítið annað um stórmerkileg atvik.

Dalvík/Reynir er með fjögur stig eftir þrjá leiki, sigur/tap/jafntefli á meðan Fjölnismenn tapa sínum fyrstu stigum í sumar og eru með sjö stig í öðru sæti deildarinnar.

Á meðan erfitt var að finna bestu menn leiksins er það jafn erfitt að finna einhverja sem áttu vondan dag. Abdeen var flottur í uppspili og var harðduglegur í liði D/R en þau færi sem hann fékk fór hann illa með, en hann skoraði eftirminnilega tvö mörk gegn ÍBV í fyrstu umferð. Annars er hægt að skella sökinni á framliggjandi menn beggja liða sem fengu sannarlega færin en nýttu þau illa.

Lítið út á hann að setja. Fínn dagur hjá flautu og flagg genginu þó svo þeir hafi fengið einstaka orð í eyra úr stúkunni.